ظفر الجوى
بقلمي زهراء امجد
البارت 35
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
آزر : بسام ابن اخوي مريض ولازم اسافر بأسرع وقت ومحد يعرف بيه ميريد احد يعرف
سنر : خلينا نسافر وياك
آزر : جوازج منتهية مدته وجمانه ماعدها جواز
سنر : هو صدك بتركيا
آزر : لا بدولة اوربية
سنر : هاا وراح تروح وحدك
آزر : اي لازم هذا معزته تختلف عن معزة احمد ومروان هذا ابني مو ابن اخويه
سنر : الله يگومه بالسلامة
آزر : امين يارب لا تجيبين طاري لاحد لان ميعرفون حتى امه وابوه
سنر : اي تمام
آزر : حضريلي ملابسي والشغلات اللي احتاجهن
حضرتله كلشي وصدك ورى يومين سافر آزر واجه احمد ومروان يباتون يمنا إثنينهم يعرفون بأخوهم مريض بس ميگدرون يسافرون
طول آزر اكثر من شهرين هناك ويومية اتصل عليه كاميرا ويگلي هانت مابقى شيء ان شاء الله
واحمد صار هو ابو البيت يجيب ويخلي يحتار شيسوي وبين يوم ويوم يطلعنا عود نتونس لو لبيت اهله نروح نزورهم لو بيت اهلي نروح ساعة ونرجع وشقه وضحك هو وتقي مرات يجيب رشا يمنه تبقى ودائما يوصي الكل بجمعات الاهل لا تشتغلين واللي تغثج گوليلي گلت بگلبي سبحان الله طبع عمك
وبكل ما يجمعون ام سجاد تگول شعنده رايح آزر يوتنس هلگد باقي خاف شهر عسل ماخذله وحدة وطلع وياها لو وياه بالدوام لو شوف منين
وچنتها هم نفس طبعها يعجبها تحچي تگلها اني اخلي سجاد يسافر ويعوفني حامل غير ماخلي
الصبح يصبح عليه وهالمرة ام كريم هم وياهن عفتهن يحچن ورحت للحديقة
اوف يا آزر كل مرة انتَ موجود وتصبرني على كلامهن هسه انتَ ماكو ونفس السم اللي يذبنه
عليَّ بقيت گاعدة وبيدي موبايلي ردت اتصل عليه اسمع صوته دخل احمد شافني گاعدة
احمد : هاا يحلو شو هنا وحدچ
سنر : كم مرة آزر گلك لا تگول يا حلو
احمد : متعود على هاي الكلمة منو مزعلچ ليش وحدچ
سنر : محد بس اني طلعت هنا
