ظفر الجوى
بقلمي زهراء امجد
البارت 18
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
آزر : عود شنو معناها تكسرين كلمتي اني گرايبي واعرفهن شلون يتفحصن جسمچ كم وحدة صورتچ هاا ؟ شكم وحدة اني شگايلچ سنر
- يحجي واني دمعتي صارت بعيني بقيت ساكتة
رجع نتر بعصبية وشرايين اديه برزن من انفعاله
آزر : ليششش ساااكتة اني البارحة شگايلچ مو البارحة چنتي تجاوبيني وتگوليلي بدلة عادية گتلچ ما اريد لبس فاضح اقاربي يظلون يحچون بيچ ويصوروچ وتنحفظ الصور بأجهزتهم ليششش
- ترى صدك عادية ومابيها اي شيء
آزر : ولچ گرايبي واعرفهن وشنو نظراتهن الچ
هسه راح يسولفن بيچ بكل مكان ، بس بعد شيفيد الحچي اللي براسچ سويتيه
اجه يطلع اوگف وين غير ناخذ صور ، باوع عليَّ
آزر : هو هذا الهامچ انتِ
حزت بروحي طريقة تعاملة انقهرت بس ما بينتله اندك الباب ، وحدة گلتله بنتك تبچي تريدك اخذها
من ايدها وراحت واخذت وياها صورة ونطيتهياه
يصور وياها اخذها وطلع گعدت على الچرباية ابچي اجتي زينة شافتني
زينة : ياا شبيچ تبچين
- حبابة خليني اصعد فوك ماريد احد يشوفني
هيچ
زينة : يالله تعالي
صعدت غرفتي موتت روحي من البچي نزعت البدلة ولبست دشداشة قصيرة اجيت اغسل وجهي ودخلن رتيل ورشا
رتيل : ياا شبيچ ولچ
سكتت ما گتلهن شيء بس تعبانه واريد انام
رتيل : مبين
- ترى مالي خلك سوالفچن
رشا : ولچن نسوانه يردنچ وزينة گالتلهن صعدت تبدل وتنزل
- ما أريد إنزل آزر خرب فرحتي علمود البدلة
رتيل : ولچ تجنن البدلة من دخلتي بقن هيچ فاتحات حلوگهن عليچ
- وشنو الفائدة طلعت من عيوني
رتيل : يالله هو شوية وتروح عصبيته لا تزعلين منه اجتي زينة
- يله ولچ نزلي لا تفضحينا ويا الناس
- شلون انزل والله خجلانة شحچي عليك يا آزر على هالسالفة
رتبت المكياج ورجعت لبست فستان قصير حلوو نازك ونزلت يمهم سلموا وباركوا وطلعن رجعت صعدت بدلت وبسرعة للحمام طبيت غسلت لان المكياج ثگيل على وجهي مامتعودة اخلي هيچ مكياج
