ظفر الجوى
بقلمي زهراء امجد
البارت 19
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
من بعد اتصاله عليَّ خفت ومروان يمي
- شكو اخاف ارجع
مروان : ان شاء الله ماكو شيء
وصلني مروان للسيارة
آزر : شبيچ ماكو شيء
صعدت ومشت السيارة بالطريق واني باقية اردد آيات بقلبي بس لا صاير شيء بأهلي وصلنا للبيت
آزر : بدلي ملابسچ واني منتظرچ هنا حتى اوديچ البيت جدچ
- عزاا بس لا تگول جدي مات بقيت ابچي وهو لازم اديه
آزر : شنو قصتچ كلنا على هذا الطريق والرجال چبير الله يرحمه برحمته الواسعة يالله نزلي بدلي وتعالي
نزلت رحت لبست اسود عندي هواي ملابس چنت لابسة على مرتضى وباقيات خلصت ورجعت لآزر
رحت للفاتحة بالباب شفت بابا وعمامي واخواني والدنيا مگلوبة
آزر : فوتي بسرعة
فتت وشفت البيت مخبوص كلهن هناك عماتي وبيبي يصرخن رحت يم بيبي خطيهة حالها يكسر الخاطر
مرت ايام الفاتحة واني عند بيت جدو للسابعة اجتي الحجية ام آزر واخته، آزر ابد ما شفته ولا حچيت وياه اصلا موبايلي مادري بيه وين ولا بيه خط حتى اتصل عليه، دوام مارحت إلاّ منا لحد ما مر عشرة ايام للفاتحة رجعت للبيت بداية السنة الجديدة، ابويه نكسر كسرة ثانية سمعتهم يسولفون انُ جدو گاعد الصبح گال مرتضى يريدني اليوم دز عليَّ هسه يالله
حضرت ملابسي حتى ثاني يوم اداوم بنص الاسبوع وغياباتي كثرت ومواد راح تصعب عليَّ رحت لغرفة محمد
- محمد نطيني موبايلك اخابر آزر لان موبايلي مادري وينه
محمد : اتصلي على جهازچ شوفيه وين
- مخليته صامت ماردت اگله آزر كسر الخط اتصلت على آزر : هلو
آزر : هلا البقية بحياتچ شنو هم گولي واحد
خايف عليَّ ويريد يعرف اخباري
- شنو چنك نسيت ماعندي شريحة
آزر : اي هو موبايلچ كله عندي
