ظفر الجوى
بقلمي زهراء امجد
البارت 44
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
رشا : خليه لحالچ الخبر ما نريده.
سنر : يا خبر اليوم بالفلوس باچر بلاش
رتيل : خوش مو تگولن شنو اموتچن
سنر : غصب عنچ تحچين
رشا : نعرفه نعرفه ما تصبرين إلاّ تحچين گلبچ ما ينطيچ تعوفينه هيچ دخلن البنات بعد وصارت هوسة
خلصت ايام المجلس نفس الشيء و نسينا السالفة اللي عند رتيل يوم السابع آزر يسوي ثواب اللي ناذره وهم عدنا مجلس وهم طبخ بحيث خطار من الصبح لحد ما ننام وراها عمتي وابو حسام هم، سوينا ثواب چنا واگفين بره بالطرمة مروان واگف على جدر المرگة واحنا گاعدين نثرم الحشو وكلها موجودة بره بس كل واحد ملتهي بشغله
وهنا تذكرنا السالفة بقينا نسولف بصوت ناصي
رشا : تعالي لچ رتيل ما گلتِ ذاك اليوم شنو الموضوع المهم اللي عندچ
مروان : هههههه صايرة تضم عليچن مواضيع وساكتات
سنر : اي والله صدك من اول يوم محرم ما قبلت تگول
مروان : چان گتولي
رتيل : شتسوي مثلا اذا گالن الك
مروان : احچيچ گوة يعمري
سنر : صدك فاتتني هاي السالفة چان صدك انَت عرفت شلون تخليها تحچي
رتيل : تعالن انا اگلچن بغرفة بيبي بس شنو كل وحدة تجيب وياها فد شيء اشربه خاف من فرحة قلوبچن توگف
مروان : يمكن عرفتها السالفة
سنر : احچي ضلع ما نريد سوالفها
مروان : لا روحي سمعيها منها احلى
رشا : كلش جاي اتحمسنا للموضوع
رتيل : اي گومن اسولف الچن
عفنا كلشي ودخلنا جووه وسدينا الباب
رتيل : من الاخير وبلا لف ودوران رونق
سنر : اييي شبيها ؟
رتيل : رونق جاينها خطابة وهالمرة كلهم موافقين وگاعدين يقنعون بيها
سنر : طفرت يم رتيل حلفي ولچ حلفي رتيل راح تزوچ
