ظفر الجوى
بقلمي زهراء امجد
البارت 28
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
فتح خط اجه صوته عالي گال
- ها هيَّ فضت وسده
آزر : اني نازل رجعي نامي كلشي ماكو
- انت تحچي صدك گلبي وگف وعايفني ونازل ما ابقى انزل وياك والله گمت من مكاني وگفت يمه
آزر : اوف من عنادچ تعالي نزلي بس ديري بالچ من تمشين
نزلنا جوه اباوع جام البيت كله مفلش البيت عباره عن كزاز بالگاع ما باقية جامة ما مفلشة بسرعة دگيت على صدري هاي شكو آزر
آزر : شنو تشوفين سنر
دخل احمد فحطان والعرگ على جبينه واضح ملامح التوتر والقلق عليه : ها خوما تأذيتوا بيكم شيء
آزر : مو كتلك اتصل عليَّ
احمد : لا ما ردتك تنزل علمود سنر خربت كل الخطة وگلت خاف تخاف وحدها
آزر : اصلًا بقيت گاعد اني منتظرك
أحمد : اي اني هم ما نمت
شويه وطلعوا بره بقيت على نفس الوكفة شصاير معقولة ناس جاية تكتل احمد لو شنو البيت عبارة عن گزاز بـ گزاز ماكو مكان نضيف رجعوا دخلوا
احمد : خويه صعدي لغرفتچ وعوفينا احنا نشتغل هنا
آزر : روحي ارتاحي
سنر : انتم تحچون صدك غير افتهم شنو جاي يصير
احمد : باچر الصبح نفهمچ صعدي هسه
سنر : آزر ترى اخاف اصعد وحدي
احمد : چا گعدي نضفي ويانه
آزر جابلي كرسي نضيف گعدت عليه وهمَّ بدوا ينظفون احمد هز بيده وگال
- نزلتي تشتغلين لو تگعدين
- فهموني شكو اول مرة وبعدين اكوم وياكم
آزر بقى يضحك
آزر : بويه إلاّ تعرف
سنر : طبعًا ابقى على عمه عيوني
احمد : لا حقچ شلون غير حتى تنقلين الصورة كاملة لصديقاتچ
ضحكت : احمد انتَ ليش هيچ عصبي
احمد : اسكتي فدوة
آزر اشرلي عود عوفيه بقوا يلمون بالگزاز صارت ساعه 6 واجه مروان اول ما دخل گال
- هلا بالسبع ضرب احمد على ظهره ها شسويت
