عِداء

ثأر

السلام عليكم يا أصحاب

معاكم شخص منحرج منكم بعد كل هالتأخير لكن متأكد أن البعض صدره رحب وبيعذرني ، أتمنى تستمتعون بالبارت بعد غيبه❤️

الساعه ٨:٠٠ ص

عند يزن اللي كان قاعد في غرفه التحقيق ومنزل راسه يطالع ايدينه المُقيده .. وبعض الدم اللي نشف عليهم ، غمض عيونه بقوه وفتحها يطالع الشرطي واقف عنده بعد مارفض يتكلم بشي لـ حين وصول عزام والمحامي وكانت هذي تعليمات عزام لهم

بعد عده دقايق انفتح الباب وفز من مكانه يزن قبل ماتمنعه الاصفاد المثبته بالطاوله .. وقف الشرطي يمنعه من الحركه وتكلم المدير اللي دخل بعد عزام : لـ نجعلهم وحدهم

الشرطي رغم انه يدري هذا الشي مُعارض للقوانين اتبع أوامر مديره وطلع من غرفه التحقيق هو والمدير تاركينهم بروحهم .. وكان عزام من النوع اللي يتحكم في مشاعره ويبقيها في داخله مايظهرها عليه .. رغم خوفه على يزن الا انه ملامحه كانت خاليه من أي تعابير وتكلم بنبره حازمه :تكلمت بشي ؟

يزن قرب منه يسند راسه على كتف عزام اللي ارتخت نظراته ويقول يزن بربكه : ماسويت شي..

رفع راسه لـ عزام اللي قال وهو يطمن يزن : مصدقك يايبا بس المهم الحين انك تقول اللي بتعلمك عليه بلقيس .. يزن

نطق اسمه بتنبيه وركز يزن معاه لمن قال عزام : حتى لو دخلوك السجن فتره .. بكون معاك وابيك تكون أقوى ماتنهار

رغم انه فكره دخوله السجن ترعبه لكن هو واثق بأن عزام ماراح يتركه .. حرك راسه بتفهم وباس كتف عزام اللي تنهد ومسح على ظهر يزن

في نفس المركز لكن في مكتب إيهاب .. اللي جا مع عزام وكان بدوره المياه يغير قميصه ويضمد جروحه ، بعد ما انتهى غسل وجهه بماي بارد انعش فيه نفسه وطلع يتوجهه لمكتبه

لقى باب مكتبه مفتوح وعزام واقف ومعطيه ظهره .. دخل ايهاب وهو يقول : لاتمون رجولك على دخله مكتبي

عزام : المدير ابعدك عن قضيه يزن .. ماظن بيكون بيننا اتفاق

التفت عزام ببطئ لمن قال ايهاب : اي ابعدني

قرب من عزام وكمل كلامه : بس بيندم مثلك انت .. اثنينكم نهايتكم وحده 

عزام : تهدد كثير

ايهاب : وعارف اني بسويها .. مستعد اتخلى عن روحي وأحقق اللي ابيه

عزام قرب منه بهدوء : بتدخلني السجن ؟

ايهاب : وعد مايدخلك غيري

قاطعت حديثهم المحامية اللي دقت الباب بهدوء والتفتوا عليها .. كانت بمنتصف الثلاثين من عمرها وأنيقه المظهر .. ولابسه بنطلون وجاكيت رسمي باللون السماوي وشعر قصير أسود ، تقدمت لهم وماكان يكسر الهدوء اللي بالمكتب غير صوت خطواتها بالكعب