عِداء

جَزَع

مرحبا ..

للأسف فقدت شغفي الأيام اللي طافت للكتابه وكنت أتمنى ترجع طاقتي وأسعدكم ببارت ، ورجعت واستعجلت عشان خاطر اللي فكر فيكم معاي Rajeh2019 ❤️

ممنون لإنتظاركم و كـ عاده كل بدايه بارت أتمنى جد تستمتعون من بعد غيبه ببارت طويل❤️

             " يكاد المرء من فرط الأذى أن يتقيأ قلبه "

بعد مرور يومين على محكمه يزن .. وفي بيت عزام تحديداً

انتهت جلسه المحكمه ببراءه يزن .. بعد بحث وجهد قدمت بلقيس لهم أدله تثبت براءته ونجحت مثل كل مره ، كانوا كلهم مجتمعين في الحديقه منتظرين وصوله

وقفت سياره جواد ونزل يزن بسرعه منها قبل مايركض لـ عزام اللي فتح ايدينه له وحضنه يزن بقوه .. عزام رفع ايده يمسح على ظهره وهو يقول : الحمدلله على سلامتك

ابتسم يزن وهو يبتعد عنه : يسلمك لنا

مسك ايد عزام ورفعها يبوسها قل مايبعد ايده عزام بسرعه ويحطها على كتفه .. يزن التفت وضحك بخفه لمن شافهم يطالعون له بإبتسامه : اشتقت لكم

باسل فتح ايدينه لـ يزن وهو يقرب منه: تعال

يزن مشى بخطوات سريعه وارتمى بحضنه بينما باسل باس خده وهو يشد عليه .. وكذلك غيث وعزيز اللي سلموا عليه بفرحه غمرت قلوبهم برجعته لهم أخيراً

التفتوا للبيت ومشوا كلهم بجانب بعض يدخلون قبل مايتوجهون للصاله ويقعدون .. التفت غيث على يزن وهو يمسح على شعره : اي قولنا شصار معاك هناك

يزن : مابي اتذكر حتى خلوني استوعب اني بينكم وببيتنا

جواد حاوط اكتاف يزن وسحبه له : فقدناك ياجحش

يزن التفت بإبتسامه عليه وهو يضرب ظهره : اكثر ياكلب

ضحكوا ودخلت الخادمه تقرب من عزام وهي تقول : سيدي .. أخبرني الحارس أن الآنسه بلقيس تريد رؤيتك

عزام وهو يلتقت عليها : حقاً ؟ ألم تصبح سيده بعد ؟

الخادمه مافهمت واشر لها عزام بأصبعه وهو يقول : لتأتي الى مكتبي

الخادمه التفتت بينما عزام قام من مكانه ومشى يصعد الدرج بهدوء .. يزن ظلت عيونه عليه قبل مايسألهم : في شي شاغل باله ؟

غيث : المحقق

صعد عزام ودخل مكتبه قبل مايقرب من الطاوله ويرفع الدولكه يصب له ماي .. رفع الكاس يشرب وسرح تفكيره بإيهاب قبل مايقاطعه صوت بلقيس وهي تدخل : اتمنى ما قاطعت يومكم العائلي

عزام : حولت لج الفلوس .. ماوصلوا لج ؟

بلقيس سكرت الباب بهدوء وقربت منه : مو هذا الموضوع اللي جيت عشانه