عِداء

تضحية

مرحبا مره أُخرى ..

رجعت ببارت طويل ١٥ الف كلمه تنتظركم ، أتمنى تستمتعون وتمتعوني بتعليقاتكم وتفاعلكم القوي اللي اعرفه ❤️

وكثير اسأله تجيني بخصوص لون شعر إيهاب بما اني ذكرته لونه مختلف ، وعشان أريحكم اللون اللي اقصده نفس الصوره اللي فوق

الساعه ٨:٣٢ ص
في شقة إيهاب اللي كان للتو يصحى من بعد ليلة مُتعبه .. فتح عيونه يطالع جنبه لكن مالقاه ، رفع نفسه بعد ما ادرك انه عزام جا وممكن يكونون عارفين الشرطه بوجوده

نزل من السرير وسحب بوكسره يلبسه كان يظن انه راح لين وصلت له ريحه الدخان .. تنهد وتوجه للحمام يغسل ويفرش اسنانه كـ عادته

طلع من حمام وهو بتيشرت اسود فوق البوكسر الرمادي يمشي للصاله قبل مايشوف عزام معطيه ظهره بقميص مفتوح ويدخن .. قرب من وراه بهدوء لين حس عزام بإيهاب يحتضنه

ايهاب تنهد وايدينه تلتف حول ظهر عزام : تو استوعب جيتك وخطرها علينا

عزام لف راسه عليه وهو ينفث الدخان : صباح الخير اولاً

ايهاب باس ظهره : شايل همك نسيت اصبح

عزام طفى زقارته والتفت عليه يقربه له : لاتشيل هم مافيها خطر ، تأكدت محد وراي لمن جيت والسياره مو لي وكاميرات مدخل البنايه حليت موضوعها اول ماصحيت

ايهاب ابتسم : اجل صباح الخير

عزام حط اصبعه تحت دقنه يرفع راس ايهاب وباس جبينه : صباح النور

ايهاب رفع ايدينه يسكر ازرار قميص عزام : بتروح الحين ؟

عزام وهو يطالع بعيونه : اي شغل كثير ينتظرني بالشركه

مشى وقعد عزام على الكنبه وطبطب على المكان اللي بجنبه وقرب ايهاب ، مسك ايده عزام وقربه يقعده جنبه وفهم ايهاب لمن حط صندوق الاسعافات الاوليه قدامه

ايهاب : مافيها شي..

قاطعه عزام اللي مسك ذراعه من تحت وبدا يفتح الضماد اللي حولها : خلني اسويها لك قبل ما اروح

ايهاب سكت وظل يطالع عزام اللي عقد حواجبه وهو يطالع الجرح .. اخذ من المحلول المطهر للجروح وبدا يمسح على الجرح ، ايهاب اللي كان يطالع له ابتسم وهو يلاحظ عزام كيف خايف يعوره وينظفه برفق

اخذ ضماد جديد يلفها حوله قبل مايقرب ايهاب منه ويبوس طرف شفته : شكراً

عزام انتهى وطالع بعيونه قبل مايمسك فكه ويبوس شفايفه بقوه وكأنه يعلمه المكان الصح : عفواً

ايهاب تنهد بعد البوسه وظل يطالعه : عزام

عزام فهم وقام من مكانه : وقف تشيل هم عزام