ليلة الحنة

دردشة

السلام عليكم

بسمة انتي دتشجعين على العنف
بسمة انتي دتنشرين السادية والمازوخية!!!

هذا ملخص الكلام الي ديوصلني
انتهت القصة والكلام ما انتهى

كنت ناوية اكتب جريدة واوضح لكن
لا ميحتاج
متابعات بسمة يعرفوها ويعرفون قلمها
ويعرفون كلش زين هي مع المرأة والدليل بطلاتها السابقات ما اعتقد اي وحدة بيهن
رضت بالظلم او رضخت

البعض يطالبون توضيح المقدمة القصة
وهي جداً واضحة الخاطرة
مزجت بيها عدت شخصيات
زلال امجد ليال رائد
وختمتها بذكر ليلة الحنة والغدر التعرضتلة من أبن خالها

اما الي يطالبون بـ قصة رغد وعلاء
اني من البداية ماعندي تواصل ويا البنية
لهذا ما تكلمت بالسانها
وذكرت جزء، من قصتهم عن طريق لسان زلال
لان شي مرتبط بـ شي
ويمكن لو كاتبة قصتهم كانت راح تتفوق
على حياة زلال وليال

وهسه اجة وقت اوضحلكم سبب غيابي الطويل
بهاي القصة من رجعت ما حجيت حتى لا تگولون
دتبرر تريد مشاهدات او تعليقات وتصويت

خلال كتابتي الـ ليلة الحنة اني ثلاث مرات داخلة مستشفى مناعة ماعندي اقل فايروس او مرض
يوگعني بالفراش ونحسه بالمرض بشكل مو طبيعي ( الله يكفيكم شره)

رحت للعمرة البعض يگولون هو المريض يروح عمرة؟!
حتى على زيارتي البيت الله كم وحدة حجت

الشكوى الغير الله مذلة والبيوت أسرار
وخلف الأبواب والجدران الله اعلم شنو اليصير
لاتحكمون بدون متعرفون

رجاءً دائماً خلوا بالكم الكاتب بشر معرض الكلشي
والتمسوا الأخوكم المؤمن سبعين عذر

حتى من رجعت اقل زلة مني وينزل وابل من الكلام الجارح عليه سوء اهنا او بالفيس

نزلت مشهد من روايتي الجديدة
لكيت كم وحدة حتى بيها حاجية علية

زين متريدين اتابعيني اوك براحتج اني مجابرة احد
شنو لازمة التجاوز والغلط

رجاءً المتريد اتابعني خلي تنسحب
بهدوء ونبقى اني وياها صديقات وخوات

بالختام أكيد ما انسى التعليقات الحلوة والتشجيع شكراً الكم من القلب ربي لا يحرمني من محبتكم وتواجدكم

قبل كم يوم نزلت مشهد من روايتي الجديدة
(حد الجنون) الي حابة اتابعها موجودة بصفحتي
ان شاء الله قريباً ابلش بيها

أحبكم تحياتي لكم