السلام عليكم حبيباتي الحلوات
شنو رأيكم نفتح باب النقاش بـ موضوع ( زلال _ لمى)
لمى صاحبة القلب الطيب بنت الخالة الحنونة.
بين يوم وليلة خسرت حب عمرها
والمشكلة الي اخذتة مو غريبة صديقتها وبنت خالتها
انظلمت أي صح تحس بالطعن والخذلان حقها محد يلومها
الصار بيها صعب جداً كلنا متفقين ع هالشي
زلال.. مصيبتها اعظم تشقلبت حياتها رأساً على عقب
ترى جريمة تنترك قبل عرسها بيوم
لسه الحنة بيدها مناشفة يگولوها خطيبج راح انهزم
بهذا اليوم خسرت كرامتها
انطفت روحها
والضحكة فارقت وجها
اهلها صحتهم بالنازل اما اخوها فكرة الأنتقام راح تخسره شبابه
انسدت كل الطرق بوجها الناس كلامهم ميرحم
تركوا الجاني وذموا المجني عليه
نحطت بموقف يا تختار راحة اهلها وعافيتهم
يا تسكت وتخسرهم
اكبر خسارة للبنية خسارة ابوها وامها
اذا راح أحد منهم تنكسر روحها ويمكن تنذل من بعدهم
زلال فضلت راحة بال أهلها على حساب سعادتها
نست نفسها في سبيل يرجع الهدوء البيتهم
اخذت شخص ماتحبه وتدري بي مايحبها ترى والله صعبه
يمكن راح اتگولون انتي متحيزة الزلال
لا ابد مو تحيز انما منطيتها العذر
احنا البنات بطبيعة الحال دائماً نتعاطف ويا الحب لهذا مافكرنا بأسباب زلال بقدر ما فكرنا بالمى وحزنها
يجوز راح اتگولون ليش قبلتي بهاي القصة من الأساس
قبلتها لان مختلفة اغلب القصص
دائماً تجي من الحبيبة المظلومة نقرأها بالسانها نتعاطف وياها ونذم الطرف الخائن
لكن ليلة الحنة أجتني من الطرف الثاني
سمعت مبرراتها وتعايشت ويا قصتها والصار بيها
زلال قوية الدليل طلبت مني أكتب كل ايجابيات لمى طلبت اذكر قصة حبها ويا أمجد واوصفها بطريقة حلوة
تگدر تتلاعب بالأحداث وتوهمني وتوهمكم لمى شريرة وبهالحالة الجميع راح يگولون الـ زلال عاشت أيدج زين سويتي
خلونا نكملها وراح تكتشفون هواي أشياء وبالنهاية حابة اگول القصة مختلفة تابعوها وأنتوا تعرفون قصدي
أحبكم وشكراً على التصويت والتعليقات
افتخر بيكم وبمحبتكم دمتم الي أغلى صديقات
