_ لـيلـة الحنـة _
_ (بقلم بسمة البياتي) _
_البارت الأول _
__________________
الألم اصبحنا نعرفة ونعيش فيه ومعه
نُجرح نُكسر نُدمر من نفس الأشخاص
بشكل متكرر لا سلطة لـ قلبنا على الأنتفاضة لايقوى لساننا على الأعتراض
نكاد نكون راضخين لـ هذا (الحب)
الذي يستنزف طاقتنا
ويسلب قوتنا بـ ملئ أردتنا
فـ بالنهاية كلنا حمقى في الحب....
.......
المسافة مو كلش بعيدة لكن من التعب والحر الطريق مديخلص رفعت ملزمتي الـ يم وجهي احجب اشعة الشمس عني
مينا موعت اذني مدري منين تجيب هالطاقة لسانها يشتغل اربعة وعشرين ساعة
... زوزو عمري مافكرتي بكلامي من الصبح كم مرة سألتج وأنتي مغلسة
....حجيت لو ما حجيت نفس وجع الرأس
اسكت احسن
... وشبيج متعصبة ترى أنس الف وحدة تتمناه لاتتبطرين
... مايروح للألف شجابة عليه يابة اني وحدة بطرانة ارفس نعمتي بيدي هسه ارتاحيتي ؟!
... ليش متدرين أنتي من ضمن الألف
... لا والله ما ادري هم زين نبهتيني عادي مصار شي أعتبريني انسحبت وظلن ٩٩٩ بالعافية عليه وعليهن
... جديات ترى والله خابصني بيج متوگعين من لسانه يريدج بالحلال مو لعب وكلاوات اذا توافقين يدز امي بنفس اليوم
.... الله عليج مقتنعة بكلامج ويني وين الزواج بعدنا الثالث مناجحين منه ويمكن ارسب الله اعلم
... الي بعمرنا نصهن فتحن بيوت وخلفن
ولاتخافين هسه بس خطوبة حتى لو اطول خطوبتكم سنة عادي اخوية راضييييي بس وافقي مو عليتي گلبي وگلبة
... اخوج بطران شعاجبة بية يحظي ما يجي يخطب ليال أحلى مني وتناسبة اكثر
... معمي على گلبة وعينة هما گالوها الحب اعمى
يحب سوالفج ولسانج مال دلالات
. باوعتلها بطرف عيني
راح ارتقي وما أجاوبج أجاوزج بأخلاقي
دردمت بصوت ناصي
. تهي بهي شوف منو التحجي وهي سيطها واصل للعجم والروم ترتقي ام المشاكل فلا ينلام بيها حجي صجمة
.... بعد بعد عبالج ما سمعت تعالي هاج خدي اخذيلج راشدي ليش تخليني اخلي ضيم الأمتحان بيج
... أنتي دجة دماغج طافي لا تذبيها برأسي
شوفي منو گاعد بالباب
....هو هذا شوكت فات للبيت
الله وكيلج بس وكت النوم يلفي عليهم حتى الأكل يجيبوا اله للباب ناصب سيطرة أبن اللذينة
غلسي ولا تحجين ويا ترى مناقصتة
... ماشي يلا باي العصر أجيج
.. اوكي
توجهت البيتنا قبل لا اوصل للباب شي مثل الجمر لزك بخدي من حلات روحي عطت بعلو صوتي مينا اخترعت اجت تركض
