السلام عليكم
من قبل كتابة القصة كنت معاهدة نفسي ما افوت للتعليقات ولا اقراهن
والسبب دائماً قصصي تنظلم بسبب المشاكل
بديت النشر لهنا كلشي تمام بعض الأحيان اضطر
اقرأ كم تعليق وأرد ويصادفني بعض الكلام لكن اتغاضى واسكت
بعض الحبابات شلون يعوفوني مرتاحة لا طبعاً هالشي ميصرفلهن
لأزم يفوتن خاص ويسممني
بسمة انتي متقصدة اطلعين لمى الغلطانة ودافعين البطلتج زلال ترى حرام عليج وميصير ودتشجعين على الخيانة والظلم والللللخ..... كلام ما انزل بي من سلطان
خلي نجي نتكلم من البداية اني لو فعلاً. اريد اطلع لمى مو خوش انسانة
طيب ليش كتبت كل محاسنها؟!
ليش كتب عن قصة حبها العميقة وعن تعلقها بأمجد؟
خو اوفر عليه كل هذا وشكو صفة سلبية اذكرها وامحو كل ايجابياتها اني كاتبة وهالشي مو صعب عليه
اكو فهموا غلط من صار اتصال بين لمى وليال قبل زواج امجد وزلال
ولمى ذكرت ان أمجد متغير عليها ومختفي
ويگولون هي شلون جرحتة واكو مشكلة بينهم ومن اتصلت گالت ماكو مشاكل بينا
وبهذا الوقت كان امجد متقدم الزلال
اعتقد من كان امجد سكران گال صارت مشكلة بينا وطلبت مني ارجع الفلوس وبعد عناء راضيتها
وبيوم الي زل لسانها ووصفتة (بالحافي) هو لا تعارك ولا سوى مشكلة بكل بساطة شال بقلبة
واخير شي اجه ابوها طلب منه يتركها ولهذا امجد اختار البعد وانسحب من حياتها بهدوء
شوفوا حبايبي من ذكرت خطأ لمى مو معناها داطلعها مو زينة منو بينا معصوم من الغلط منو بينا ما يـ زل لسانه
وابو المثل يگول كثر، الدك يفك اللحيم
ابوها مشتغل زن برأسها وماكو بحلگة غير كلمة حافي
لا إرادياً الكلمة انطبعت بالسانها وبدون شعور نطقتها
بالعكس اني اشوف لمى صاحبة كبرياء وعزت نفس الدليل من صارتلها فرصة ممكن تنجمع ويا حبيبها رفضت
بس رجعت غلطت بحق نفسها مرة ثانية قبلت تتزوج وهي تعرف بنفسها لسه ماشفت من حبها الأمجد
وهذا حال هواي بنات بوقتنا الحالي وحتى قبل
من تنجرح او تنغدر في سبيل تنسى او تنتقم
أدور حب ثاني او تتزوج وبالنتيجة محد يتعب ويتعذب غيرها
حالياً من دتسأل وتضوج اذا تسمع اخباره ويا زلال
موبيدها بس يبقى هالشي خطأ وحرام لان هي على ذمة رجل ثاني
ياريت يكون هذا التوضيح شافي للبعض حتى لا تجي وحدة وتگول بسمة دتظلم لمى
اما الي يگولون القصة متشابهة وماكو اختلاف وكل القصص نفس الشي
ياعيني يا عمري هسه أنتي شفهمتي منها ليش تسبقين الاحداث
اتعجب على الي تسأل وترجع تجاوب نفسها من خلال توقعاتها هي
حبيباتي صديقاتي وخواتي رجاءً خلونا نستمتع بالقصة بعيداً عن المشاكل والتجريح
والله العظيم احبكم ويعز عليه انزل ملاحظة واشكي بيها من الحالات التزعجي
حالياً من دأكتب قلبي معصور ما احب اتخلى ولا اخليكم بهذا الموقف
بالختام شكراً على التصويت والتعليقات أكيد بوجودكم يكمل نجاحي لأن انتوا الأساس
احببببكم من اعماق قلبي تحياتي لكم
بسمة البياتي
