ما عَندي هَدية لـِ عينَچ تلوّگ
كِون الروّح احطَهة بگِذلتچ طوگ
~~~~~~~~~~~~~~~~~~~~~~~~~~~~~~~~~
#قراءة_ممتعة🍂
(سرايا العشق)
ترف
كعدت الصبح على صوت المنبه كمت فتت للحمام سبحت وطلعت لبست ملابس الدوام وسويت ريوگ كملت گعدنه نتريگ أنه وأخوي خلصنه أنطاني مصرف وكال ركزي زين بالامتحان أريدچ ترفعين راسنه گتله أن شاء الله باسني براسي وطلع لشغله اليوم أخر أمتحان الي صعدت بالباص وضليت أقره ومتوتره أحس مانطيت المادة حگها وصلت للمدرسة وفتت للقاعة الاسئلة چانت متوسطة الصعوبة الحمدلله جاوبت طلعت من الامتحان أتصلت على أمي وطمنتها عليه وسديته ورجعت للبيت جنت تعبانه حيل بحيث نمت بالصالة وبملابس المدرسة ماحسيت الا لمن أخوي كعدني ......
جاسر : ترفه
ترف: هممم
جاسر: يله حبيبتي كعدي جبت الغده حضري بين ما أسبح
ترف: تمام
گمت بدلت ونزلت حضرت الغده هو جايبه جاهز من المطعم بس حطيته بالمواعين وحطيته على الميز وكعدت أنتظره يجي أجه وبلشنه ناكل .........
جاسر: ها شلونج بالامتحان
ترف: الحمدلله زينه
جاسر: عفيه راح أنام كعديني الساعة 6 حتى أخذج أشتريلج هدوم حتى تلحگين تحضرين الجنط
ترف: تنهدت . تمام . كملت وكمت وأني أذكر قبل 3 أيام أندگ باب غرفتي ......
ترف: تفضل
جاسر: شسوين أكدر أحچي وياج
ترف: هاي حالتي اعاين على الكتاب والكتاب يعاين عليه تعال أكعد
جاسر: راح أحجز نهاية الاسبوع الجاي حتى نرجع للبصرة
ترف: صدك تحچي
جاسر: شمالج متريدين ترجعين
ترف: لا اريد بس تفاجئت لان ولا مرة من سافرنه لحد الان رحت وياكم بس أنتو تروحون
جاسر : چا خوش بس من هسه أكلج ترره هناك مو مثل هنا تلبسين بناطير وفاله الشعر هناك لازم تروحين محجبة ولبس مستور والاغلبية يلبسن عبي
ترف: يعني شسوي هو هذا لبسي والي متعوده عليه
جاسر: ترف ترره أنتي كبرتي وبعد لازم تتحجبين احنه لحد هسه عايفينچ على راحتچ ونگول بعدها صغيرة بس هسه أنتي كبرتي ولازم تتحجبين وخصوصًا راح نرجع للبصرة لا تنسين جدي شيخ معروف بالبصرة كلها
ترف: تمام ألي تشوفه
جاسر: عفية هيچ اريدچ ترره مكلت لأحد أريد أفاجئهم
ترف: يرادلي هدوم لأن أكثر لبسي بناطير
جاسر: خلصي أمتحاناتچ وأخذچ
ترف : تمام
المهم نرجع كملت أكل ورحت لغرفتي ضليت أتصفح بالنقال شويه عاينت الساعة بال 5 سديت النقال وكمت سبحت وحضرت نفسي ورحت لغرفة جاسر كعدته ونزلت أنتظره بالصالة نزل وطلعنه رحنه للمول ضلينه نفتر أخذت كومه ملابس وربطات تركية وعطور وغسولات ومكياج وأكسسوارات وأخذنالهم صوغات لبيت جدي بعدين رحنه للمطعم تعشينه ورجعنه طبعاً هلكت عفت كل الاغراض الي أشتريتهن بالصاله ورحت نمت كعدت الصبح تريگت وبديت أحضر بالجنط للعصر يله خلصت جاسر بعده ما أجه گال اليوم يتأخر گمت تغديت وخلصت غسلت المواعين ونضفت البيت خلصت وسبحت حضرت هدوم باجر طيارتنه الساعة 10 الصبح نزلت للصالة أنتظر جاسر نمت وجاسر بعده ما أجه كعدت الساعة ب 8 على صوت المنبه كمت سبحت وحضرت نفسي .........
ونزلت لگيت جاسر هم محضر نفسه ......
ترف: صباح الخير حبيبي
جاسر: هاي شطالعة گمر والله هيچ احلالچ
ترف: خجلتني عيونك الحلوة
جاسر: يله مشينه راح نتأخر
توجهنه للمطار وبعد ساعات طويله وصلنه للبصرة چان جاسر متصل بأبن عمي حتى يجي ياخذنه جاي نطلع من المطار جان جاسر يكول ......
جاسر: هذا رواد
ترف: رفعت راسي داعاين عليه چان تتصل أمي عززه توترت ممتعودة أضم عليها شي بتعدت شوية وفتحت الفون
ترف ( بتوتر): الوو هايمه شلونچ
أم جاسر : الحمدلله أنت شخبارچ
ترف (بتوتر): الحمدلله أسأل عليچ . احچي وياها وأعاين على جاسر وأبن عمي واحد سلم على الثاني بحرارة بعدها عاينو عليه
ام جاسر: شبي صوتج صاير شي
ترف: لا ماكو شي بـسہ شوية تعبانه شوكت تجون طولتو هلمره . أعاين عليهم ديصعدون الجنط بالسيارة
أم جاسر: يمكن على الاسبوع الجاي
ترف : حلو . أبن عمي جان ديتوجه عليه أخذ جنطه من يمي والثانية بيدي من التوتر فلتت من أيدي جيت أطيح بس أبن عمي كضني من خصري عكدت حواجبي بأنزعاج مستغربة من تصرفه سحبت نفسي منه بهدوء وأنه اعاين على جاسر خاف شافنه بس الحمدلله جان ملتهي ......
أم جاسر : أبوج يصيحني يله ديري بالچ على نفسچ
ترف : تمام حبيبي باي
أخذ الجنطة من بعصبية وراح يا هذا شماله رحت وراه
جاسر: ويامن تحچين
ترف: أمي
جاسر: ترف هذا رواد أبن عمي سالم
ترف: مديت أيدي صافحته. هلو
رواد(ببرود) : ۿﮧلاٱ ببنت عمي
سحبت أيدي شلون يحچي على شنو شايف نفسه مغرور عابت صعدنه بالسيارة جاسر وهذا العكره يحجون وأنه اعاين على الطريق وگفت السيارة ......
جاسر : يله ترفه وصلنه
ترف: نزلت وأعاين على البيت لا مو بيت سراي (قصر) يجنن والحراس بكل مكان محاوطين القصر تفاجئت ليش هلگد حاطين حراس جانو جدي وحبوبتي وأگفين بالباب صح انه مجايه هنا بس ابوي دائماً جان يشوفني صورهم ......
جاسر(بهمس) : ترفه من تسلمين بوسي أيدهم وراسهم
ترف ( بهمس) : ليش
جاسر(بهمس): همه هيچ عدهم يله أمشي
جاسر: هلا بالشيخ تاج راسي . باس راسه وايده وسلم على حبوبته
الشيخ مزاحم ( جدي): ياهلا بحفيدي
ترف: متوترة كلش ضليت واگفه وره جاسر
الشيخ مزاحم : جاسر وخر خل أشوف حفيدتي تعاي ترفه
ترف: رحت عليه. بست أيده وراسه
الشيخ مزاحم: هلا بلغالية بنت الغالي
نعناعه (حبوبتي) : تعاي أحبنج
ترف: رحت عليها وسلمت وحضنتها
نعناعه: تف تف ماشاءالله كمر
ترف(بأستغراب): هاي ليش هيچ حبوبه
نعناعه: حتى لا تصيبچ عين
الشيخ مزاحم: نعناعه بسچ من هاي الخرافات
نعناعه: تعاي ندخل داخل
ترف: دخلنه واجتي وحدة تقريبًا بعمري
غزل: يا حبوبة منو هاي منين خطفتيها
نعناعه: راح أخلي العصا تلعب على ضهرچ
غزل: يا شمالج منو وياج
نعناعه : غزيله بسچ عاد أخذي هاي الگمر بت عمج عادل
غزل: أهلاً وسهلًا زارتنه البركة تفضلي
ترف: دخلت رحنه للصاله جانت كاعدة أمي وكم وحدة يمها بس شافتني أمي تفاجئت وگالت شجابج فهمتها السالفة وعرفتني على الكل
نعناعه : شمالج ضامه هالبت عنه
أم جاسر: شسوي كل ما نجي عدها دراسة
نعناعه: لو رحتو عوفيها يمي حبيتها
غزل: چا وانه
نعناعه: أنتي روحي عني شالعة كلبي كومي أخذي البت لغرفتج ترتاح توه جايه وگولي لأم حسن ( تشتغل عدهم) تحضر غرفتين لجاسر وترف
غزل : حاضر. صعدتها لغرفتي. حبيبتي اذا تريدين تسبحين هذا الحمام وأي شي تحتاجي صيحيلي
ترف : تمام عمري تسلمين
عافتني وراحت جنت تعبانه بدلت ونمت محسيت الا على صوت غزل......
غزل : ترف يلا كومي العشا جاهز
ترف: تمام جايه وراچ . فتت للحمام سبحت وطلعت لبست تراك شسورت شعري على السريع
ونزلت شفت سجاد ( أخوي )
ترف( بصوت واضح ) : جودي لك هلا. وگمزت عليه حضنته
سجاد: ياهلا. حضنتها حضنه جيت أكسر ضلوعها
ترف: ادفع بي . وخر خنگتني
سجاد: ما وخر
ترف: سجاد بله خباثة عوفني كسرت ضلوعي
سجاد: لارد
ترف: وخر كسرت ضلوعي
نعناعه: عوف البت راح أجيك بالعصا
سجاد: عفتها. هاي شنو حبوبه بس لا غرتي
نعناعه: دهر صابك كون
سجاد: مبين طاگج الجفاف الظاهر الشيخ مزاحم مگايم بالواجب . ما أحس الا النعال (تكرمون) نشمر عليه
سجاد: حبوبه لتزعلين مني ترره راحت عليج
نعناعه: زيح عني بلا حچي ماصخ
ترف : رحت سلمت على أبوي وكعدت بصفه جان الكل گاعد ومن ضمنهم العكره (رواد) أحسه راح ياكلني بنظراته شويه وصبو العشه
وجدي قرر باجر يسوي عزيمه على وصولنه بالسلامه خلصنه عشه وكمت أغسل ماحس الا نرگعت بشي صلب ......
ترف: أنته أعمى متشوف
رواد: صوتج نصي ولسانج لزمي لا أگصه
ترف : بستهزاء. يمه خوفتني گمت ارجف
رواد : جري عدل لا أدفنج
ترف: وأذا ماجر عدل شراح تسوي
رواد : ردت احچي شفت غزل. (بهمس) حسابچ بعدين
غزل: ترف تعاي
ترف: عفت ورحت ويا غزل قابل شيريد يسوي ......
.
رواد
چنت گاعد انه وجدي بالمضيف اجاني اتصال من جاسر وكالي يريد يجي هوه أخته ويريدني أخذهم من المطار للصراحه صار عندي فضول أشوفها لان هواي يحچون بيها گدامي ثاني يوم اتصل عليه وكالي وصلنه طبعًا انه منطيت خبر لاي احد بس جدي رحت الهم نزلت من السيارة وضليت أنتظرهم شوية وشفت جاسر طالع من المطار ويا وحدة بس شنو جانت عينها بالگاع وتمشي اجه عليه جاسر بعد ماسلمت عليه وهو سلم عليه گال هاي ترف لكن هي جانت تحچي بالنقال صعدنه الجنط رحت داخذ الجنطه من يمها تعثرت رادت تطيح بس انه كضيتها من خصرها كفخني عطرها هادئ ويدوخ الواحد حسيت عليها من دتدفع أيدي وتباوعلي بأستغراب شلون عدها عيون تخلي الواحد غصب يباوعلهن وخصوصًا هي نضراتها بريئه يا انه شمالي أستغفر الله تحجي بالنقال وأسمعها تكول باي حبيبي أنه هنا نار وشبت بضلوعي ماعرف شمالني أريد ادفنها بمكانها بس عفتها ورحت هي جتي ورايه سألها أخوها ويامن تحچين تكله ويا أمي تجذب عيني عينك بس وين تروح حسابها عندي رحنه للبيت هي أخذتها حبوبتي وراحت وانه وجدي جاسر رحنه للديوان بعد ساعات طويله دخلنه للبيت رحت لغرفتي سبحت ونزلت شوية ونزلت هاي البلوه لابسه تراك ضيك ناويه تجلطني أبوي گاعد وكل شوية واحد من ولد أعمامي جايين وهيه ولا هامها وتحضن أخوها جتي گعدت يم أبوها صارت گدامي عدل انه خزرتها ثگل حسابها عندي وره العشه صعدت لغرفتي بدلت أخذت السويچ مال سيارة ونزلت جنت متواعد ويه جماعتي ماحس ألا شي طخ بيه ......
ترف: أنته أعمى متشوف
رواد: صوتج نصي ولسانج لزمي لا أگصه
ترف : بستهزاء. يمه خوفتني گمت ارجف
رواد : جري عدل لا أدفنج
ترف: وأذا ماجر عدل شراح تسوي
رواد : ردت احچي شفت غزل. (بهمس) حسابچ بعدين
عافتني وراحت ويه غزل وانه طلعت رجعت الساعة 11:30 بالليل البيت هدوء وكلمن بغرفته انه صعدت لغرفتي جان أشوفها طالعة من غرفة غزل كضيت أيدها وسحبتها لغرفتي وسديت الباب وحصرتها بين الباب وأيدي رادت تفلت بس مگدرت قربت منها حيل لدرجة أنفاسنه ختلطت وعيني بعينها وو .........
يتبع*
.
الكاتبة: فراق محمد
أنستا __rfmh 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
