- ضَل وياي خاف احتاج حنيهَ
- حضن امي صُدك مَوجود بَس ما يفهم البيهَ .
~~~~~~~~~~~~~~~~~~~
#سرايا_العشق
#قراءة_ممتعه
ترف : سديت البرده عدل شويه و حسيت على الباب ينفتح عاينت على الباب و أنه بـ داخلي بركان مشتعل فتح الباب و عاين عليه جنت واگفه و متخوصره .......
رواد : شمالچ حبيبي
ترف : شگد چنت محترگه بداخلي ما بينتله لان مو صوچه و ما أريد أخرب كلشي و تصير مشكله سويت الموضوع عادي بس أنه اعلمها الصباح رباح و الله الا أخليها تتندم
ترف : وگفت عدل و رحت يمه . هيچ حبيبي ماكو شي بس تأخرت
رواد : عاين عليها من فوگ ليجوه . هممممم
ترف : كض أيدي و فرني عليه قرب وجهه عليه و همس يم شفايفي
رواد : هاي شمسويه
ترف : همست. أحمم شمسويه
رواد : صاح . أخخخ معذبتني ما غلطت من سميتچ بلوه
ترف : برطمت . يعني أنه بلوه و أنتَ أبتليت بيه
رواد : دخيل الله شلون بلوه ولچ أنتِ بلوة گلبي
ترف : حاولت أخفي الابتسامه الي ضهرت على وجهي . قشمرني قشمرني
رواد : أستنشق عطرها . أنتِ منو يگدر يقشمر عليچ أريد أخذ رأيچ بموضوع
ترف : أي حبيبي گول
رواد : بجديه مصطنعه . هاي حبوبتي تگول تضل أنتَ متعوب يا رواد و هاي الي أخذتها مبتلي بيها أريد أخذ الك وحده بت أوادم ترتاح وياها قابل تگضي عمرك متعوب
ترف : و الله؟
رواد : أي شمالچ
ترف : لا حبيبي ماكو هيچ شي أنتَ گلتها أنتِ بلوه يعني أبتليت بيها و مجبور ترضه لان هذا نصيبك
رواد : أها هيچ رأيچ
ترف : أي أن شاء الله عندك أعتراض
رواد : أنه الله راضي عني من رزقني وحده مثلچ
ترف : أحبك روادي
رواد : أنتِ الاولى و الاخيره بـ حياتي يا حياتي
ترف : عيونها مدمعه . أحبك
رواد : مستحيل أحد ييجي ياخذ مكانچ أنتِ بلوة گلبي و ترافتي أنتي الي كسرتي كل الحواجز الي چنت حاطها حتى لا أتزوج أنتِ غير أنتِ نعمه و هديه من ربي
