شايله موش عــيون والحاجب اهلال
والحلگ شذره ماس حك اللّٰـه ينگال ✨🤍~~~~~~~~~~~~~~~~~~~~~
#سرايا_العشق
#قراءة_ممتعةترف : شفت منظر خله الرعشه تسري بجسمي مصدومه چانت رباب (أخت رواد) تبچي بحرگه و وجهه بي علامات زرگه أثر ضرب و الشيخ مزاحم چان خانگ علي (رجل رباب) وجهه أحمر شرايين أيده مبينه من العصبيه و عمه سعاد ( أم علي) تبجي و تتوسل بالشيخ حتى يعوف علي الي صار وجهه أزرك أنتبهت على رشا تأشرلي على ملابسي أذكرت أنه شلابسه و بسرعه صعدت لبست الجادر مال صلاه و أسمعهم يحچون بصياح ..........
الشيخ مزاحم : أنه تكسر كلمتي و تتصرف من وراي شني من بشر أنتَ
سعاد : تبجي . بويه الله يخليك لا تكضه هيچ حيموت فكه (أتركه) و نكعد نحچي و نتفاهم
رواد : يحاول يبعد الشيخ . شيخ على مهلك مو زين عليك تعصب فكه و نشوف شني شصاير
نعناعه : بسكم عاد ما يفكه الي عمله ماهو قليل خل يتربى قليل التربايه من الله لا يرضى عليك شلعت گليباتنه
الشيخ مزاحم : أبتعد وجهه أحمر دم و يلهث أختل توازنه سنده رواد و گعده
رواد : بحده . جيبي الدوه غزل بسررعه
ترف : ركضت غزل و جابت الدوه و شربه
رواد : بحده عينه تتراوح بين علي و رباب . خير أن شاء الله شصاير
الهدوء سيد المكان أذا نذب أبره نسمع صوتها
رواد : بصياح . شصاير هنا واحد منكم يحچي شي
نعناعه : شمالك بعد حبوبتك ليش الصياح بالهدواه كلشي تفتهم
رواد : حجيه يا بالهدواه عايني رباب شحالها و الشيخ شلون تعب
ترف : هم محد حچه رجع رواد صاح و شرايين رگبته ناطه
رواد : بحده و صياح . أحچوا
رباب : تشهك و تبچي بحرگه . راح يسويها كسرني رواد علي راح يتزوج عليه بت غيث كله من وره عمي حسبي الله و نعم الوكيل بي و من عاتبته و كتله ليش تزوج گاله أضربها منو هي و تمشي على كلامها
رواد : هجم على علي بالبوكسيات وحچه بعصبيه . أنته شوكت تصير رجال حوك ينشد بي الظهر و تبطل تمشي وراه كلام أبوك المسقط
الشيخ مزاحم : وليدي رواد عوفه الحجي ويا ما يفيد . سكت شويه و رجع كمل كلامه موجها لعلي . يراد نعيد تربيك حسافه بيك التعب التعبنا و أحنه نعلم بيك و أنتَ تمشي وره حچي أبوك
علي : يمتمت . و و و الله
رواد : بحده و صياح . أنچب بعد ما الك مرره يمنه تنسى وحده أسمها رباب
سعاد : أگلك حيل بيك
نعناعه : حيل بيك عبن ما تستاهل هالبت هو أنتَ لاگيها دهر صابك