آني ذاك الظلت عيونه عليج وماكدر يخطيله خطوه
~~~~~~~~~~~~~~~~~~~~~~~~~~~~~~~~~
#قراءة_ممتعة🍂
(سرايا العشق)
ام رواد : يمه وليدي وحيدي . وتبجي وتلطم
ترف: شكو
ام سوزان: مات رواد شبيج احجي خيه رواد شبي
ترف: ام رواد سدت النقال وجهه اصفر جان تتخربط وتوگع وضلينه حايرين بيها ومخبوصين نتصل على الولد انريد نفتهم شكو شبي رواد محد يرد و مر على هاي الحالة ساعتين واحنه مانعرف اي شي ام رواد حالته حالة ومتگدر تحجي الى ان حبوبتي كالت......
نعناعه (بصياح): فطيمة (ام رواد) شماله الوليد كلبي موجر عليه
ام رواد (بصوت متقطع): رواد متصوب
هنا كلها عاطت وضلو يتصلون يردون يسمعون اخبار عن رواد محد يرد والبيت انترس ناس وكلها تريد تعرف اخبار عن رواد وانه اريد اتصل على اخواني بس نقالي طافي مابي شحن ضليت افتر ٲروح واجي اخر شي قررت اتصل على جاسر من غزل هذا احسن حل رحت على غزل ......
ترف: غزل اريد نقالج اتصل على جاسر
غزل : بغرفتي على الميز
ترف: رحت وسجلت رقم جاسر واتصلت مرة مرتين الثالثة جاوب
جاسر: الو نعم منو وياي
ترف: الو جاسر هاي انه ترف متكولي ليش محد يرد على اتصالاتنه تعال شوف البيت مگلوب كلاب كلها تبچي على رواد
جاسر: روحي طمنيهم مابي شي الطلقة الحمدلله سطحية وبچتفه
ترف: الحمدلله
جاسر: يلا روحي خلال ساعتين نرجع
ترف: حتى رواد شون يصير وهوه متصوب
جاسر: اصر على الدكتور يطلع اليوم يكول كلشي مابيه يلا باي
ترف: باي
رحت للصاله لكيتهم على حالهم الي تبچي والي تعيط والي تلطم
ترف : أستهدوا بالرحمٰن . محد سمع من صياحهم العالي صعدت على الميز
ترف (بصوت رج البيت رج): كافي صدك تحچون إنتوا هاي بدل ما تدعون اله وتقرون قرآن گاعدين أتسوون هيج الي تلطم والي تفاول على الولد ما وحدة من عدچن كالت اكوم ادعيله بشنو راح يفيد الي جاي اتسونه هاا شوفن حال أمه ما وحدة وكفت وياها وكعدت اطمنها ها شنو من بشر أنتوا على كلاً متصوب بجتفه والطلقة سطحية وخلال ساعتين يطلعونه من المستشفى
