ضحكتج الخلتني أحب روحي و أحبج .🤍
~~~~~~~~~~~~~~~~~~~~
#سرايا_العشق
#قراءه_ممتعه
أم جاسر :- غزاله يمه جاسر يريد يحچي وياچ
غزل :- بتوتر . ها هسه
أم جاسر :- أي يمه ينتظرچ بالاستقبال
غزل :- مشيت للأستقبال توترت تلقائياً صارت رجفه بيدي جان باب الاستقبال مسدود فتحته و عفته مفتوح و ضليت واگفه و هو باركلي حچينه شويه چان حچينه عادي و اكثره على دراستي .....
مر شهر تقريباً و أحس روحي شويه شويه گمت أميل لجاسر و لأهتمامه بيه و بيوم من الايام جنت نايمه و گعدت على صوت عياط و صياح چانت الساعه بـ 8:00 گمت من فراشي و نزلت جوه شفت الكل متجمع بغرفة خالتي أسمع صوت عياط سوزان أجتي قبل أسبوعين بس هالمره غير هادئة و ما تسوي مشاكل و حتى كلامها قليل المهم أسمع صوت عياطها و بچي أمي ......
غزل :- هاي شكو
أبو رواد :- خالتچ أنطتچ عمرها
غزل :- شنو ......
تقى
سجاد :- بحده ، ليش محضره نفسچ لعد
أم تقى :- خزرت تقى . أنتِ مو عندچ أمتحان يله روحي داومي
سجاد :- أنتظرچ بالسياره
أم تقى :- شنو هاي التصرفات بله هاي تصرفات وحده صاحيه كُل شوي برأي
تقى :- بأنزعاج . رايحه أني
تقى :- داومت حتى أخلص من رزالة أمي لأن لو ما داومت چانت راح تخبصني و تگضيها أسبوع تحچي عليه المهم طلعت من البيت لگيت عيونه على الباب صعدت يمه و أني ساكته و هو عبالك مثل اللي چان متحضر ...
سجاد :- ها ست الحسن
تقى :- ببرود . نعم
سجاد :- بحده . صوتچ ما يعله عليه و الي صار البارحه ما يتكرر
تقى :- لا رد
سجاد :- بعصبيه . شحچيت
تقى :- اي تمام . وصلني لدوامي و راح و الطريق كله ما حچينه شي أصلاً شنو نحچي غير من وصلنه گال ....
سجاد :- سجلي رقمي 0.........
تقى :- ردلي رقمه ما كتبته بكيفي حطيت ارقام
سجاد :- من تخلصين إتصلي عليه
تقى :- الله كريم . نزلت خلصت دوامي كُل عقله أدگ عليه
خلصت محاضراتي و رجعت للبيت ويا الخط كُل عقله أتصل بي هو أني حتى رقمه ما سجلته رجعت للبيت تغديت و نمت حسيت على أمي تگعد بيه ....
أم تقى :- تقى يمه يله گومي صار المغرب
تقى :- بنعاس . أي
أم تقى :- تقى يله گومي
