سألتني گبل حبيت ؟
گتلهآ انه انحبيت
بس ما حاب صدگيني
ولا فد يوم
صار الهسه صار وياي
اول مره اگول لوحده "حبيني" .~~~~~~~~~~~~~~~~~~~~~
#سرايا_العشق
#قراءة_ممتعةترف : ما أريده
أم جاسر : شني يمه عود صدگ تحچين
ترف : هزت راسها بـ معنى أي . امي شكرت المحلله و أخذت منها التحليل سحبتني من أيدي طلعتني بره ضربتني على حلگي
أم جاسر : بعصبيه . أگص لسانچ أذا تحچين هاي الحچايه حرام هذا رزق من ربچ تدرين چم وحده تتمنى يصير عدها جهال و أنتِ تتبطرين على النعمه
ترف : خايفه لا ما أگدر أتحمل مسؤوليته
أم جاسر : حتى لو ما يصير هيچ تحچين أنه يمچ أساعدچ و أعلمچ كلشي و عمتچ هم يمچ
ترف : ضحكت . يعني أنه راح أصير أم
أم جاسر : أبتسمت . مو صاحيه أنتِ
ترف : أفترينه شويه أخذت چم شغله و رجعنه تغدينه چان تجي بنت خالتي أخوها جابها و راح و ضلت يمنه وره شويه راسلتني غزل دزيت الها سجاد حتى تجي يمنه خطيه لأن ضايجه و بـ الليل نرجع خابرت رواد گال راح يطلع ويا أصدقائه رجعنه وره صلاة العشه سلمت عليهم و صعدت لغرفتي ما گلتلهم أريد رواد هو يبشرهم بدلت لبست دشداشه قصيره مخصره و ضليت أفكر شلون أگله گمت حضرت نفسي و سرحت شعري خليت حمره شويه و أجه چان بأيده أوراق مبرومات ..........
ترف : الله يساعدك حبيبي
رواد : حضنها . هلا عيني
ترف : بادلته الحضن . أشتاگيتلك
رواد : لا متطورين و صايرين نشتاگ
ترف : عندي الك شغله تفرحك
رواد : و أنه هم
ترف : بحماس . گول أنتَ أول . لزم أيدي و خله بيها الاوراق الي چانت بيده فتحتها و قريتها و عاينت عليه و دموع الفرحه بطرف عيني
ترف : يا رواد عود صدگ راح أداوم جامعه و أحقق حلمي
رواد : أي يا ترافة گلبي
ترف : عطت من الفرحه و حضنته . أحبك أحبك أحبك
رواد : و أنه أحبچ يا بلوة گلبي
ترف : بعدت نفسي عنه و بسته بوسات عشوائيه بوجهه . أموت عليك أنتَ روحي من هاي الدنيا
رواد : باسها بين عيونها و أبتعد من ترف حچت
ترف : أنه حامل