أجذب لو كلت باقي بنفس حيلي 🥀
~~~~~~~~~~~~~~~~~~~~~~~~~~~~~~~~~
#قراءة_ممتعة🍂
(سرايا العشق)
طبيت للغرفة فتحت الضوه وصحت .....
ترف : عزززززه انت شجابك هنا
رواد : رجليه جابتني
ترف : صدك تحجي انت ليش تخليني أعيط والم البيت كله عليك
رواد : احسب الله ما خلقج بس خلي أسمع حسج أن فكرتي تعلين حسج عليه
ترف : خلصني خير شرايد
رواد : أشتغل عند الخلفوج عدلي أسلوبج
ترف : شون تريدني اعدل اسلوبي وأنت جاي لغرفتي بهذا الوقت تكدر تكول إذا أحد شافك هنا هسه شنو راح يفكر لو شنو راح يكول
رواد : محد يجرأ يفكر اي تفكير غلط بينه وإذا أحد فكر وحجه تكونين أنتي الي جبتي الحجي لنفسج
ترف : ليش واثق لهاي الدرجه و شنو يعني اني جبت الحجي لنفسي
رواد (بعصبيه) : لتغشمين نفسج أني مو كتلج أنتظرج ليش ماجيتي
ترف : مم......م.... مو
رواد : زمخت بيها . مو شنوو
ترف : أييي كافي عاد من أجيت لحد هسه تنطيني أوامر بيك خير روح على سوزان مو بس كادر عليه
رواد : كضيتها من أيدها. منين جبتي هذا الحجي ولج
ترف : ميخصك
رواد (بأستهزاء) : ههه والله ضحكتيني بس أحب أنطيج معلومه
ترف : تقرب يم اذني وانفاسه تلفح بركبتي
رواد : انتي وشكو شي يخصج يخصني
ترف : لا ميخصك لان لا انت أبويه ولا أنت اخويه
رواد : بس عن قريب كلش هواي راح تصيرين مرتي
ترف (بأستهزاء) : ههه تحلم لو تبقى أخر رجال بالعالم ما أقبل بيك
رواد : طكيتها كف. عهد على نفسي أزوجج وأخليج تتمنين تنولين رضاي
ترف : كمل كلامه وطلع من الغرفه لو يبقى آخر رجال على الكره الارضيه ما أقبل بي باجر أفهم من غزل شنو معنى هذا الحجي كلام رواد شغل تفكيري ماحسيت على نفسي شوكت غفيت ..........
رواد
غسلت ورحت و لحكت الشيخ
الشيخ مزاحم : شوف وليدي أنت حفيدي الأول و ذراعي اليمين أريد أطلب منك طلب
رواد : تأمر شيخ
الشيخ مزاحم : مايأمر عليك ظالم وليدي كل الي أريده منك ماتكسر كلمتي
رواد : ماعاش الي يكسر كلمتك
الشيخ مزاحم : وليدي من سافر عمك جان على أساس بس تغيير جو ما جان يريد يستقر هناك يعني راح ورجع جان ويا صديقه هو وعائلته بس صديقه أستقر هناك وضل رايح جاي رغم سافر بس أبد مانكطعت علاقته بعمك كل ما يجي يزوره يوم من الأيام جان عدنا كعده وصديقه جان حاضر ويا الكعده بس فضت الكعده عمك كال أريد أروح أستقر بتركيا و راح أفتح مشروع هناك جان عمك يريد يشارك صديقه بمشروع أنه رفضت بس عمك عارض وكسر كلمتي سافر وأخذ عائلته ويا تبريت من عمك و صارت قطيعه بيناتنه وره سنه ونص أنضربت جلطه وعمك بوكتها أجه وطلب مني السماح وسامحته وره فتره بالصدفه عرفت بنت عمك ترف محجوزه لأبن صديقه لعمك بس عمك ما أنطاني علم أنه شكيت بالموضوع لكن من أجه عمك وسألته مانكر الكلام وكال هو صديقي الروح بالروح ما أعز عليه بنتي والشين الي تعرفه أحسن من الزين الي ما تعرفه للمره الثاني عمك يتصرف بدون ما يحسب حساب لوجودي بوكتها كدام ابوك والحجيه و رشا كلت ترف لرواد عمك اعترض بس اني كلت أنتهى بعد ماكو نقاش وكلمتي ما أثنيها
رواد : شيخ بس .......
الشيخ مزاحم : وليدي أنه الي خابرت على جاسر كتله تعال و جيب أختك وياك وانه وصيته يخابر عليك حتى تاخذهم من المطار وحذرته ماينطي علم لأحد راح يجي ويجيب ترف لان أعرف عمك راح يعارض أعرف شنو راح تحجي رواد بيدك أنت تغير طبعها ولبسها وتخليها أتصونك وماتعلي حسها عليك أنه انطيت كلمه رواد ماريدك تكسرها
رواد : شيخ ما الي كلمه بعد كلمتك
الشيخ مزاحم : عرفتك مراح تكسر كلمتي يصير خير وليدي
رواد : طلعت من البيت فكره توديني وفكره تجيبني بس من ناحيه ثانيه اكو جانب بيه فرحان على الي راح يصير اخخ شكلها راح تعبني اخير شي قررت اغير طبعي وياها بدال ما أإمرها انصحها حتى لتعاند وتركب راسها هذا أحسن حل و فعلاً رجعت للبيت وأول ما شفتها حاجيتها وأثناء الحجي لاأرادياً بستها ردت أحجيها على لبسها وأخليها تغيره كتلها أنتظرج بالحديقة الي وره البيت ساعه ٨:٠٠ بس ما جتي من صعدت الغرفتي تلقائياً أخذتني رجليه لغرفتها طبيت كفخني عطرها الي مالي الغرفه كعدت أنتظرها إلى أن جتي حجيت وياها بس من تحدتني وكالت لو تبقى أخر رجال بالعالم ماقبل بيك مسيطرت على نفسي وطكيتها وأخذت عهد على نفسي أزوجها مو حباً بيها لا حتى أكسر خشمها اليابس وأربيها من جديد .........
