أبعيناكَ سحرٌ أم إني من العاشقين؟.
~~~~~~~~~~~~~~~~~~~~~~~~
#سرايا_العشق
#قراءة_ممتعة
ترف
و رجعلي رفع راسي بأيده بهدوء و كال ......
رواد ( بستهزاء ) : شونها عروستي
ترف ( بأنزعاج ) : دفعت أيده . خيرك شرايد
رواد : كضيتها من شعرها جري عدل لا أدفنج حضري نفسج باجر عدنه طلعه . اجت عيني بعينها وعينها مدمعه
ترف : عيوني مدمعه . ليش
رواد : بويه تراني رجال ما أتحمل لا تردين بوجهي
ترف : ليش الا أنه الي صار نفرض علينه لا أنه أريدك ولا أنته تريدني تراجع
رواد : منو كال أنه ما رايدج خلي أيدج بأيدي أعيشج ملكه
ترف : نزلت دمعتي . ما نرهم صدكني
رواد : ماعرف شون نطقت هذا الكلام لا أرادياً طلع مني مسحت دموعها و بست راسها و طلعت
ترف : أول مره تنزل دمعتي كدام أحد عدلت شعري وطلعت صعدت الغرفتي سبحت ونمت حسيت على احد يلعب بشعري فتحت عيني شفت رواد
ترف : بصوت مسموع . ياربي شنو هذا الخيال . غمضت عيني و رجعت فتحتها
رواد : مبتسم على شكلها . صباح الخير
ترف : كمزت من مكاني . أنته شجاي تسوي بغرفتي
رواد : الناس تكول صباح الخير أول
ترف : صباح النور بس هم شجاي تسوي بغرفتي
رواد : كومي حضري نفسج نتريك ونطلع
ترف : وين نطلع
رواد : نسوي تحاليل دم
ترف : وحدنا
رواد : شنو رأيج ناخذ الشيخ ويانه طبعاً وحدنا
ترف : أكيد مراح أطلع وياك وحدنا ناخذ غزل ويانه
رواد : لا ما ناخذها شمالج انتي
ترف : ماروح وياك وحدي اخاف
رواد : ليش بويه ترره ما اكل بشر أنه
ترف : ما عليه ماطلع وياك وحدي
رواد : و تالي و ياج انتي حالفه تموتيني قبل يومي
ترف : قابل شكلت أنه
رواد : بنيتي من أحجي حجايه كولي حاضر لا تضلين تناقشين
ترف : يله أطلع هسه جايه وراك بس أبدل . بس طلع أخذت نفس غسلت وحضرت نفسي لبست فستان أسود والشال والجنطه والحذاء ( تكرمون ) بيجي ونزلت لكيتهم يتريكون صبحت عليهم و كعدت على صفحه ..........
رواد : تعاي تريكي
ترف : مالي نفس . ما كال شي عافني على راحتي بس كل شويه يعاين عليه بنظرات ما عرفت أفسرها إلى أن خلص الريوك وكام .......
رواد : يله بويه أمشي . طلعنه للمستشفى سوينه التحاليل اعاين عليها مبين دايخه نزلت من السيارة أخذت الها نساتل وعصاير و رجعت
رواد : هاج أكلي ورانه فره تروحين تتخربطين نوب أبتلي بيج
ترف : مجرد ما سحبوا مني دم حسيت بدوخه بس كلشي ما حجيت صعدنه بالسياره و رواد كل شويه يعاين عليه بنظرة إهتمام على خوف هيج شي شويه وكف السيارة و نزل رجع جايب علاكه حطها بحضني أخذت منها عصير وحطيتها وره .....
رواد : كتلج أكلي
ترف : مراح أكل أريدك تبتلي بيه
رواد : همست . أحلى بلوه
ترف : سمعت كلش زين بس راح اغلس . نعم كلت شي
رواد : كلت براحتج
ترف : أبتسمت صار السكوت سيد المكان وكف السيارة
يم محل ملابس
رواد : يله نزلي
ترف : نزلت بدون ما أحجي شي دخلنه للمحل
رواد : أختاري
ترف : ما البس هيج أنه ما ما أختار شنو هاي كله دشاديش ما احب البس هيج اتبهذل بيها
رواد : مجاي أسألج دأمرج
ترف : كلت ما أختار عاجبك أختار أنته . كام هوه يختار على ذوقه اجتي عيني على دشداشه قصيره و مخصره لون أسود
رواد : عجبتج إذا عجبتج أخذيها
ترف : لا ماريد
رواد : ماكو مشكله أنه عجبتني أخذها السوزان
ترف : اي شكو بيها الف عافيه الك والها . دفع الحساب وطلعنه صعدنه بالسياره ورجعنه للبيت ....
رواد : وصلنه يا مرتي نزلي يله أنه عندي شغل لازم أخلصه
ترف : نزلت وعفت كل الغراض بالسياره دخلت للبيت سبحت و بدلت و مددت تعبانه أريد انام بس التفكير موتني شجاني وعفت الملابس بالسياره هسه ياخذ الدشداشه لسوزان اكيد ياخذها وضليت هيج لوكت طويل صار الغده نزلت بس ما اكلت شي مالي نفس طبعاً محد يخليني أشتغل على اعتبار انو أني عروسه صعدت طلعت دفتر و بديت أرسم وحاطه السماعه بأذني ضليت فتره طويله على هاي الحالة إلى أن أجتي غزل صعدتلي العلاليك مال ملابس رواد دزها بس طلعت كمت فتحت علاكه علاكه ادور على الدشداشه السوده ما لكيتها تنرفزت و رحت الغرفته دخلت لكيته بالحمام ضليت أنتظره تأخر رحت يم الميز مال عطور فتحت عطر شميته ريحته كلش طيبه والباقيات كلهن ريحتهن تجنن و مميزات عبالك مخصصات بس اله لان ماشامه هيج عطور قبل فززني صوته ......
رواد : أحم شسوين هنا
ترف : كمت أمتمت نسيت على شنو أجيت أخذ العطر الي جان بأيدي
رواد : رشيت العطر . شكلج ما تريدين تكولين ليش أجيتي
ترف : بدون وعي . ها
رواد : نبره خباثه . معقوله شتاكِتيلي بس مصار جم ساعه من عفتج
ترف : كام يتقدم عليه إلى حصرني بينه وبين الحايط أريد أوخر ماكو محاوطني من كل الجهات
ترف : خنكتني وخر
رواد : كولي شسوين هنا و أعوفج
ترف : وينها
رواد : شنو هي
ترف : الدشداشه السوده أحجي الصدك وديتها لسوزان
رواد : ليش يهمج
ترف : طبعاً يهمني
رواد : أيي
ترف : بتوتر . يصير يعني أنته طالع وياي وتشتري لحبيبتك على الاقل أحترم وجودي
رواد : أهاا
ترف : هسه تروح تجيبلياها ما عليه
رواد : هسه لو عاجبتج بيها مجال بس هي اصلاً ماعجبتج بعد شكو يا عيني
ترف : عاجبتني أنه أريدها
رواد : سوزان تزعل
ترف : وزعلتهم ما يهمني يعني عندك عادي أنه ازعل
رواد : ليش تزعلين منو يمج انتي
ترف : بأنزعاج . عوفني خليني أروح . تقرب كلش مني بحيث أختلطت أنفاسنه صار ما يفصله عني غير سانتيمين فزينه على دكت الباب .....
رواد ( بعصبيه ) : زفرت بقوه . منو
غزل : الشيخ يريدك هسه
رواد ( بعصبيه ) : ضروري يعني
غزل : أي هسه
رواد ( بعصبيه ) : يعني شون الواحد مايكدر يرتاح بهذا البيت
غزل : شعنده يصيح اليوم كل مرة اكله بسرعه ينزل خاصه من يدز عليه الشيخ
رواد : هسه جاي وراج . أبتعدت عنها أعاين عليها أخذت نفس عميق
رواد : هالمره الشيخ خلصج مني مرة الخ محد راح يخلصج مني . غمزتلها و طلعت
ترف : أووووف رغم الجو زين بس أنه احتريت اعاين على نفسي بالمرايه وجهي أحمر بسرعه طلعت و رحت لغرفتي فززتني غزل .......
غزل : وين جنتي وليش هيج شكلج مثل وحده تايهه ما تندل دربها
ترف : ها
غزل : هاج أستلمي وضحت السالفة وانه أكول ليش الاخ عصبي اليوم ثكلي شويه وصبري مابقى شي للعرس
ترف : شمرت المندر عليها اخلص من رواد تجيني أخته
ترف : طلعي برره ترره مالي خلك
غزل : أي عيني طبعاً كطعت عليكم اللحظه . طلعت أركض
