بچيت مِن أول أغنية ....
لحَد آخر أحبنك بَـس ...
يلا ولا يهمَك شرف لگليبي ....
إذا چان الجرح منك 🦋🫶🏻
~~~~~~~~~~~~~~~~~~~~
#سرايا_العشق
#قراءه_ممتعه
ترف
حسيت على نفسي بغرفتي و يمي عمه و رواد ......
أم رواد : ها يمه شجرالچ خوفتينه عليچ
رواد : بقلق . شجاي تحسين شنو يوجعچ
ترف : بتعب . ما بيه شي بس شويه تعبت
رواد : سمعتي صوتها شلون رايح مو گتلچ أخذها للمستشفى
ترف : حركت راسها بمعنى لا . هسه أحسن ما يحتاج
أم رواد : يمه لا تخاف عليها طبيعه صار عدها هبوط لان بعدها ما متريگه و هم حامل
رواد : الريوگ جاهز
أم رواد : أي يمه راح أنزل و أدزه بأيد غزل
ترف : شويه و أجتي غزل جايبه صينية الريوگ غصبت نفسي و أكلت شويه ...........
ترف : بتعب . كافي حبيبي شبعت
رواد : شكلتي ماكو اليوم تخلصينه كله
ترف : ما أشتهي بعد
رواد : شوفي وجهچ شلون أصفر
ترف : سوه لفه صغيره و قربها عليه
رواد : يله لخاطري موزين عليچ أكلچ قليل و أنتِ حامل حتى مناعه ما عندچ
ترف : أكلتها أنطاني الثانيه كملتها سوه الثالثة. كافي عاد بعد ما أريد أختنگت
رواد : منين أختنگتي هو أنتِ هم تعتبرين نفسچ أكلتي
ترف : ما أشتهي بعد شبعت . گام رواد توجه على الثلاجه جابلي علاجي و ماي شربته و گمت .........
رواد : ها وين يمعوده أستري علينه تروحين توگعين
ترف : للحمام أغسل و أرجع
رواد : أجي وياچ
ترف : لا
رواد : خاف توگعين
ترف : گلت لا يا حبيبي ما بيه شي صرت أحسن . رحت للحمام غسلت و رجعت تمددت
رواد : راح أنزل يم الولد أنتِ نامي أرتاحي لا تنزلين
ترف : هزيت راسي بمعنى أي راح هو نزل جوه و أنه ضليت متمدده غفيت حسيت على صوت بالغرفه بالگوه گدرت أفتح عيوني شفت رواد .........
