Until The Last Breath 🍂 | JJK | || COMPLETED ||

8th breath🍂

Yoona's view

බැල්කනියේ යකඩ අත්වැටට වාරු දීගෙන මන් බලාගෙන ඉදියේ අඩන්න බර අහස දිහා. තව එක තිගැස්සිල්ලක් ඇති ඉකියක් එක්කම ඒ වැහිබර අහස හඩාවැටෙන්න. අතේ රැඳුණු කෝපි කෝප්පේ තොල් අතරේ රදවලා රස්නේ කෝපි උගුරකින් ගතම උණුසුම් කරපු මම සීතල හිරිකඩ අතරින් දැනෙන ඒ සුවදට ලොකු හුස්මක් ඇල්ලුවා. නාස් පුඩු අතර ජන්කුක්ගේ හුස්ම හිරකරගෙන ඇස් පියාගත්තම මට නිරායාසයෙන්ම මැවුණේ මගේ කුකීගේ ලොකු අත් මගේ ඉනවටේ එතිලා තියෙන හැටි. එදා මට අපේ ගෙදරින් යන්න කියපු දවසේ හොරෙන් මගේ ඇදුම් දෙක තුන අතරට එකතු කරගත්තු ජන්කුක්ගේ ලොකු ටීෂර්ට් එකට පුලුවන් වුණා ඒ සුවද මට අමතක වෙන එක නතර කරන්න.

" කොච්චර ලස්සනට ගෙවන්න පුලුවන් දවස්ද කුකී අපි මේ නිකරුණේ නාස්ති කරගන්නේ? "

හේතුවක් නොදැන ඈත් වෙලා දැන් අවුරුද්දකට කිට්ටු වෙන්න ලගයි. මන් හේතුවක් හදන් ඔයා ලගට එන්න හැම පාරම ඔයා කරන්නේ මාව නොදැක්කා වගේ යන එක, නැත්තම් මාව අමතකයි වගේ රගපාන එක. ජිමින් ඔප්පගෙන් ඇහුවත් සූ ඔන්නිගෙන් ඇහුවත් මට කියන්නේ ඔයාට නිදහසේ ඉන්න දෙන්න කියලා.

ඒත් ඇයි කුකී තාමත් මගේ හිත කියන්නේ ඔයාට මාව ඕනි කියලා. සමහරවිට මම ආත්මාර්ථකාමී ඇති. මට බෑ ඔයාගේ ලෝකෙන් මිදෙන්න. ඒ ආදරෙන් ඈත්වෙන්න. කාමරේට ඇවිත් ඇද උඩ ප්ලේ වෙන්න දාලා තියන ලැප් එක ඕෆ් කරන්න හැදුවත් මට ආයෙමත් පාරක් ඒ ඇස් දිහා බැලුණා. හැමදාම වගේ ජන්කුක් පාටිසිපේට් කරන බිස්නස් මීටින්වල රෙකෝඩ්ස් බලන එක මට දැන් පුරුද්දක් වෙලා. ඒත් දවසින් දවස මම දකින්නේ ඒ ඇස්වල මහන්සියක් විතරයි. ඒ මූණේ ලොකු විඩාවක් ලියවිලා තිබුණා. ඔයා කවදාවත් ඔහොම වෙලා නෑ කුකී.

ඔයාට මොකද වුණේ ?

ආයේ පාරක් ඒ තෙහෙට්ටු මූණ අතැඟිලි වලින් පිරිමැදලා මන් ලැප් එක වහලා දැම්මා. කවදහරි දවසක ඔයා එනකම් මන් බලන් ඉන්නම් කුකී. මගේ ආදරේ ඒ තරම් දුර්වල නෑ. ඔයා එනකම් අවුරුද්දක් නෙවෙයි ආත්ම ගාණක් උණත් බලන් ඉන්න පුලුවන් මට. සයිඩ් ටේබල් එක උඩ තියෙන ෆයිල් එක අරගෙන මම ආයෙමත් ඒවා එකින් එක පෙරලලා බැලුවා.