දවස් ගාණක් තිස්සේ විදවලා විදවලා වෙහෙස වෙලා හිටපු ජිමින්ගේ හිතට දැනුනේ හරිම පොඩි සැනසීමක්. ඒ යූනා ආයෙමත් ආපු නිසා. ජිමින් විශ්වාස කරා යූනා ආවොත් ගොඩක් දේවල් හොද අතට හැරෙයි කියලා. කොල්ලා හිතුවා වගේම දේවල් හොද අතට පෙරලුණා තමයි.
ඒත් ජන්කුක්?
කොල්ලා තාමත් ඇස් ඇරියේ නෑ. දැන් දවස් දහයක්. ජිමින්ගේ අත් අතරේ අන්තිම වතාවට සිහිය නැතිවෙලා අදට දවස් දහයක් ගතවෙලත් ජන්කුක් තාමත් සුව නින්දක.
මොනිටර් එකෙන් ඇහෙන ජන්කුක්ගේ හාර්ට් බීට් එකේ හඩ , සේලයින් බිංදු වැටෙන හඩට අමතරව තවත් එක හීනි ඉකියක් ඒ රෝහල් කාමරය ඇතුලේ දෝංකාර දුන්නා. යූනට පෙන්නන්න බැරි , සූට පෙන්නන්න බැරි , ලෝකෙට පෙන්නන්න බැරි කදුළු ජිමින්ට දිය කරන්න පුලුවන් වුණේ ජන්කුක් ඉස්සරහ විතරයි. ජිමින් අනිත් අය ඉස්සරහ කොයිතරම් දරාගෙන හිටියත් මට විශ්වාසයි අනිත් හැමෝටම වඩා ඒ හිත අඩන්න ඇති. රහසින් ඉකිගහන්න ඇති.කොයි දේ නැතිවුණත්, මොනවයින් අඩුපාඩුකම් වුණත් ජිමින්ට ඒ කිසිදෙයක් අඩන්න තරම් හේතු නෙවෙයි. ඒත් පවුල.. ජිමින් වටේ ඉන්න ඒ ආදරණීය මිනිස්සු ටික දෙනාට වෙන හීරීමක් පවා ජිමින්ව කඩා වට්ටන්න පුලුවන් හේතුවක්. පවුල බැදීම් ඉස්සරහ ජිමින් කියන්නේ හරිම සංවේදී මනුස්සයෙක්.
කොලේජ් යන කාලෙදි ජන්කුක්ට කාත් කවුරුත් නැති අනාතයා කියලා කොන් කරනකොට ඒ හැමෝටම කෑ ගහලා මේ මගේ මල්ලි කියලා පපුවට තුරුල් කරගත්තේ ජිමින්...අනිත් ලමයි දෙමව්පියෝ එක්ක ඇවිත් රිපෝට් කාඩ් ගනිද්දි ජන්කුක්ගේ අතින් අල්ලගෙන ඉස්සරහ ගිහින් ඒ හැමෝටම පේන්න හරි ආඩම්බරයෙන් ජන්කුක්ගේ රිපෝට් කාඩ් එක ගත්තේ ජිමින්...ස්පෝට්ස් වලින් ජන්කුක් කප් පිට කප් ගහද්දි ඉස්සල්ලම කදුළු පුරෝගෙන චියර් කරේ ජිමින්... ජන්කුක්ගේ ජීවිතේ ලස්සනම දවසේ... යූනා එයාගේ වයිෆ් කරගත්තු දවසේ ජන්කුක්ගේ තාත්තගේ තැන හිටගෙන හිටියේ ජිමින් ...
ඉතින් එතන නෙවෙයිද නියම සහෝදරකම තියෙන්නේ..
එතන නෙවෙයිද අයිතියක් නොලියවුණු ආදරේ තියෙන්නේ..
එතන නෙවෙයිද ලේ බැදීමක් නොගෑවුණු කැපකිරීම තියෙන්නේ..
BẠN ĐANG ĐỌC
Until The Last Breath 🍂 | JJK | || COMPLETED ||
Fanfictionකොයිවෙලේක නතර වුණත් අන්තිම හුස්ම වෙනකම් මම ඔයාට ආදරෙයි යූ... මට අමතක වෙන, ඔයා හදවතේ තියාගෙන පරිස්සම් කරන මතක විදින්න යූ.. එතකොට පුලුවන් වෙයි මම නැති දවසක වුණත් ඔයාට ජීවත් වෙන්න 🍁🍂 - JJK -
