Unicode
" ပါး ကျွန်တော့်ကိုဆူမယ်ထင်တယ်...မား "
သက်ကောင်းလူ၏ အမေးစကားထဲတွင် စိုးရိမ်ဟန်အပြည့် ။ စိတ်မချစွာဖြင့် နောက်ဘက်ကိုလည်းလှည့်ကြည့်နေသေး၏ ။ မတော်တဆ ပါး နိုးလာခဲ့လျှင်အခက်ပေ ။
ဒေါ်သက်ထားဆွေက သက်ကောင်းလူ၏အမေးစကားကို ချက်ချင်းမဖြေသေးဘဲ ရေခဲသေတ္တာရှေ့သို့ ခန္ဓာကိုယ်ကိုငုံ့ချလိုက်သည် ။
" ပေါင်ပေ့က ဘာအမှားလုပ်လို့ ပါးကဆူရမှာလဲ "
" ပါးကမကြိုက်ဘူးမို့လား "
ထွက်လာသံမှာခပ်တိုးတိုး ။ ဒေါ်သက်ထားဆွေက ရေခဲသေတ္တာထဲရှိ ကြက်အူချောင်းထုပ်ကိုလှမ်းယူပြီးမှ နောက်ဘက်သို့လှည့်ကြည့်သည့်အခါ ပေါင်ပေ့၏အကြည့်နွမ်းနွမ်းနှင့် ဆုံလေသည် ။
" ပါးကို မားပြောပေးလို့ရပါတယ် ပေါင်ပေ့ရဲ့ ၊ ပေါင်ပေ့ကမဟုတ်တာသွားလုပ်မှာ မဟုတ်ဘူးလေ ၊ မားက ပေါင်ပေ့ အခုလိုမျိုးလူငယ်သဘာဝ သွားသွားလာလာလုပ်တာကို ဝမ်းသာနေတာ "
စကားဆုံးမှ လက်ထဲရှိ ကြက်အူချောင်းထုပ်လေးကို လှုပ်ခါလိုက်ကာ
" ဒါက ကြက်အူချောင်း...ရေခဲသေတ္တာထဲမှာဝက်အူချောင်းလဲရှိသေးတယ် ၊ မနက်ဖြန်မနက်ကျမှ ကြော်လိုက်မယ် ၊ ဝက်သားနဲ့ကြက်သားကို ဘယ်လိုစားချင်လဲ ...ပေါင်ပေ့ "
သူက ကြက်သားပြုတ်ကြော်ကိုအကြိုက်ဆုံးဖြစ်သော်လည်း အခြားဟင်းလျာများကိုလည်း စားသည်ပင် ။ သို့သော် ထင့်အကြိုက်ကိုမသိသဖြင့် ဖြေရခက်၏ ။
" ဘယ်လိုထည့်သွားရင်ကောင်းမလဲ...မား "
မားက ခဏစဉ်းစားပြီးမှ
" အသားတွေကိုပြုတ်ပြီးမှ ဆီပူထိုးပြီးကြော်ပေးမယ် ၊ ပေါင်ပေ့နဲ့အတူတူ အလုပ်လုပ်ကြတဲ့ကလေးတွေက ဝက်သားစားကြရဲ့လား "
စိတ်မလုံမှုကြောင့် မား၏မျက်နှာကိုတည့်တည့်မကြည့်ရဲ ။ အကြည့်ကို ကြမ်းပြင်အပေါ်သို့ ပြောင်းပြီးမှ ခေါင်းကိုညိတ်ပြ
မိ၏ ။ ထင်နှင့်သူနှစ်ယောက်တည်းသွားမည့်အကြောင်းကို အမှန်အတိုင်းမပြောရဲပေ ။ သူငယ်ချင်းများနှင့်အတူတူသွားမည်ဟုသာ ပြောထားမိ၏ ။ မားထက်ပါးကိုကြောက်၍ လိမ်ပြောမိခြင်းသာ ။
YOU ARE READING
My Green Forest ( Complete)
Romanceကန္တာရထဲက လူတစ်ယောက် ကႏၱာရထဲက လူတစ္ေယာက္ (သက်ကောင်းလူ) ဒီနေ့... မနက်ဖြန်... သန်ဘက်ခါ... ကျန်ရှိတဲ့နေ့ရက်တိုင်းမှာ ကျွန်တော့်အချစ်တွေနဲ့ ထင့်ကို မွမ်းမံပါမယ်...။ (အလက်ဇန်းဒါးထင် ) ပျော်ရွှင်သည့်အချိန်... ဝမ်းနည်းသည့်အချိန်... အားငယ်သည့်အချိန်... အထီ...
