Unicode
" စွပ်ပြုတ်ထဲကိုရှောက်ရွက်ထည့်မလား ထင် "
" ဟုတ်ကဲ့ အစ်မ "
" ငရုတ်သီးကောထည့်ချင်လား "
" နည်းနည်းပဲထည့်မယ် အစ်မ "
" နည်းနည်းနော် "
" ဟုတ်ကဲ့ အစ်မ ၊ ကျွန်တော်အစပ်သိပ်မစားနိုင်လို့ "
" အင်း...အင်း "
" ထင် ရှေ့မှာ ပါးနဲ့သွားထိုင်နေပါလား ၊ ဒီမှာကျတော့ မတ်တတ်ကြီးရပ်နေရတယ်လေ ၊ ဒီအလုပ်လောက်ကို ကျွန်တော်နဲ့မား နှစ်ယောက်တည်းလုပ်လို့ရပါတယ်ဗျာ "
" ဟုတ်သားပဲ...ထင်ရဲ့ ၊ သွား...သွား...ရှေ့မှာသွားနေလေ "
" ရတယ်...ရတယ်...အစ်မ ၊ ကျွန်တော်ဒီမှာပဲ နေချင်လို့ပါ "
" ဘာလဲ... ပါးကို ထင် ကြောက်လို့လား "
" မ...မ...မဟုတ်ပါဘူး "
" မဟုတ်ဘူးသာပြောနေတာ ၊ စကားတွေလဲထစ်လို့ပါလား ထင်ရဲ့ "
" အစ်မကလဲ "
အပြန်အလှန်ပြောနေကြသည့် စကားများမှာ နားထဲကို အဆက်မပြတ်ဝင်ရောက်လာ၏ ။ ထို့အတူ ရယ်သံအချို့ကိုလည်း ရံဖန်ရံခါကြားနေရသောအခါ စိတ်မကြည်တော့ပေ ။ သုံးယောက်က မီးဖိုခန်းထဲရောက်နေကြပြီး သူတစ်ယောက်တည်းသာ အိမ်ရှေ့ခန်းတွင် ငုတ်တုတ် ။ တစ်အိမ်လုံးတွင် အကြီးဆုံးဖြစ်သော်လည်း အနည်းငယ်တော့စိတ်ကောက်ချင်လာ၏ ။
" ငါ့ကျတော့ တစ်ယောက်တည်း ထားထားကြတယ် "
" ပါးလဲလာဆိုပြီး ခေါ်လို့ရရဲ့သားနဲ့..."
နေရင်းထိုင်ရင်းသိမ်ငယ်စိတ်လေးဝင်လာပြန်တော့ မီးဖိုခန်းဘက် ခန္ဓာကိုယ်ကိုလှည့်ပြီး အကဲခတ်မိပြန်၏ ။ အိုးသံ ၊ ခွက်သံ ၊ ရယ်မောသံ ၊ စကားပြောသံများဖြင့် အသက်ဝင်နေသည့် မီးဖိုခန်းနှင့်ကွာခြားစွာ သူထိုင်နေသည့်နေရာကတော့ ခြောက်သွေ့တိတ်ဆိတ်လျက် ။ စိတ်ရှိသည့်အတိုင်းဆိုလျှင်ဖြင့် မီးဖိုခန်းထဲကို ဝင်သွားပြီးပြီ ။ သို့သော်လည်း ထိုသို့လုပ်၍မဖြစ်သည့်အခါ စိတ်ကိုချ်ိုးနှိမ်ပြီး သည်အတိုင်းထိုင်စောင့်ရုံသာ တတ်နိုင်ပါသည် ။
YOU ARE READING
My Green Forest ( Complete)
Romanceကန္တာရထဲက လူတစ်ယောက် ကႏၱာရထဲက လူတစ္ေယာက္ (သက်ကောင်းလူ) ဒီနေ့... မနက်ဖြန်... သန်ဘက်ခါ... ကျန်ရှိတဲ့နေ့ရက်တိုင်းမှာ ကျွန်တော့်အချစ်တွေနဲ့ ထင့်ကို မွမ်းမံပါမယ်...။ (အလက်ဇန်းဒါးထင် ) ပျော်ရွှင်သည့်အချိန်... ဝမ်းနည်းသည့်အချိန်... အားငယ်သည့်အချိန်... အထီ...
