كان رحيم يجلس مع خالته و ايهم يتناولون الطعام و فجأه
"و الله بعود الايام "
نظروا جميعا الي مصدر الصوت و كان خالد الجزار والد رحيم
خالد" عاش من شافك يا رحيم باشا و اه الف مبروك ع الصفقه الجديده "
رحيم" عاش من شافك انت يا خالد باشا و حمد الله ع السلامه جيت امتي من لندن"
خالد"من يومين كدا"
توحه"يومين يا خالد و لسه جاي تسأل علي ابنك لا و الله فيك الخير"
خالد"اي يا فتحيه مالك داخله حاميه عليا او كدا لي ما تهدي شويا مش كل ام تشوفين تدين الكلمتين دول"
رحيم"الحمد لله "
توحه "كمل اكلك يا حبيبي"
رحيم و هو ينظر لوالده بغيظ"شبعت "ثم تحرك خارج المنزل و خلفه ايهم
خالد"عجبك كدا مش دي تربيتك"
توحه"انت عارف كويس اوي انا مربيه ازاي و عارف كمان ان انت الي غلط من الاول مش كفايه الي عملته زمان لا و لسه مكمل فيه كل يومين واحده و جوازه شكل دا انت مستحملتش اسبوع و روحت اتجوزت و اختي لسه دمها ما بردش في تربتها و الانيل رميت ابنك و سافرت و فين و فين علي ما كنت بتفتكره و تيجي تشوفه انت اي يا اخي عاوزه يجري عليك و يحضنك و هو ماشفش منك حنان و لا اهتمام"
خالد " دا جزاتي اني سبتهولك تربيه "
توحه "لا يا شيخ كنت ارميه في الشارع لكلاب السكك تنهش فيه و بعدين سواء سبته بمزاج او غصب عنك مكنش حد هيربي ابن اختي غيري و بقولهالك كلمه يا خالد ابعد عن رحيم "
خالد "لو حاولتي تعملي اي يا فتحيه دا ابني سلا"
فتحيه"امال لو عرف بالي هببته زمان هيعمل فيك اي يا خالد ربنا يستر "
عند رحيم خرج مسرعا و من خلفه ايهم الذي كان ينادي عليه
ايهم"رحيم انت يا بني استني "
رحيم"نعم "
ايهم"قمت لي يلا تعالي ندخل انت عارفه شويه و هيمشي"
رحيم و هو يضع يده بجيبه " و مين قال اني قمت عشانه هو انا هخاف منه انا وخدها قاعده في حياتي من لا يهتم فلا يُهمني و هو مايهمنيش في حاجه عشان اضايق و اقوم كفايه عليه الي بيعمله و الستات الي بيغيرهم شكل ما بيغير هدومه "
ايهم في نفسه ،، ع اساس انت مش واخد نفس الخصله السوده دي ثم قال طب تعالي ندخل عشان توحه
رحيم"لا انا محتاج ارتاح اليوم كان طويل انا ماشي"
ايهم"طب هاجي معاك"
رحيم"لا خليك انا حابب اقعد لوحدي يلا سلام"
ذهب رحيم و كان ايهم ينظر لأثره و يقول " كل ماده بتزيد قساوه يا رحيم و يا ترا اخرتها اي"
عند حور تجهزت للذهاب لمنزل عمتها
سعاد"خلصتي يا حور "
حور و هي تجفف دموعها"اه يا عمته بس انا حابه اروح ازور ماما و بابا "
سعاد"دلوقت يابنتي*
حور "معلش يا عمته انا هروح و مش هتأخر يلا سلام"
ذهب حور و زارت قبر والديها و توجه الي البحر و وقفت تنظر اليه في تلك اللحظه كان رحيم يجلس علي الشاطئ و يقول يا تري انتي فين يا حوريه لي اتأخرتي عليا
حور و هي تمسك بالسلسله المتدلي منها مفتاح" ياترا انت فين دلوقت و بتعمل اي"
كل منهم يذكر الاخر و لكن اذا نظروا بجوارهم سيروا بعضهم و لكن تشاء الاقدار ان تجمعهم في وقت اخر و لكن ماذا سيحدث
*_يتتتتبع 🕊️🍃_*
أنت تقرأ
عشقت حوريه بحر
Romanceفي زمن مضى و على إحدى الشواطئ بمصر نظرت لذلك الفتى الصغير الذي يبكي "بتعيط لي!" "ماما ماتت .. هو انتي حوريه بحر!" "ايوا ماما بتقول اني حوريه بحر " "بجد" اومئت تلك الفتاه ليعطيها الفتى سلسله على شكل مفتاح و هو يحمل القفل "اي دا" "ماما بتقول أنه حوري...
