الجزء 1
فالغابة الضلام لي كاين متتقد تشوف تاشي حاجة قدامك.. شتا خيط من السما.. فواحد الكوخ قديم ديال الخشب جالسين جوجهم حوايجهم فازگين و تيترعدو بالبرد.. البنت باين فيها علامات الخوف أما دري غير البرد لي قاتلو ناض من بلاصتو تيقلب على شي حاجة باش يدفاو
هبة مخلوعة: راه تعطلت بزااف خاصني نرجع
فاروق تيطمنها: صافي كوني هانية غير تحبس شتا!
هبة: ميمكنليش نبقا هادي كثر من ساعتين و نتا تتقول ليا نفس الهضرة راه الدار غيتخلعو عليا.. راه قفرتها أصلا دابا و معطلة
فاروق بعصبية: صافي بلاما تبقاي كل ساعة تنگري عليا نساي أهبة أصلا راه ليل هادا ماشي غير نتي لي خايفين عليك والديك راه حتى أنا
هبة بالغوات: راه غتخرج عليا هاكا و نتا مناقصك حتى خير حيت نتا ولد غترجع يغوتو عليك شوية و صافي أنا راه غيجريو عليا من الدار و ماشي بعيد يقتلوني گاع!!
فاروق بالغوات: شنو بغيتيني ندير نحبس الشتا متلا؟هبة عينيها دمعو و البرد زاد كمل عليها عاد الريزو مكاينش تماك عقلها فيه حاجة وحدة الا ممشاتش دابا غتقرفرها من عند عائلتها.. أما فاروق قاد الخشب فواحد ابلاصة و تيقلب على باش يشعلهم حتى قربات منو و عينيها عامرين بدموع.. عصبوتو نفس الحاجة تتعاودها
هبة: الله يخليك دير شي حاجة!!
فاروق بعصبية: شنو بغيتيني ندير ندمتينا على النهار لي فكرت نخرج معاك لهنا ياك نتي لي باغة الغابة!! هاهي الغابة!! تمتعي دابابدات تتبكي و تترعد شافها هكاك تنهد حيد الكبوط ديالو و حطو عليها باش تدفا بينما سخن لبلاصة و طلع ليها راسها باش تشوف فيه
فاروق: حبيبة تيقي فيا مغيوقع ليك والو !! راه نموت و منخلي تواحد يقرب ليك راه نتي غتولي مراتي!
هبة: هادشي كولو غير حلم عمرنا نتزوجو عمرهم يخليونابدات تتبكي مرضاتو خلاها و بدا تقلب كيفاش يشعل الخشب..
دارت مدة
الشتا باقة خدامة محبساتش شعلو لعافية و جلسو حدا بعضياتهم معانقها جنب و هي حاطة راسها على كتفو.. و باقة مخلوعة عارفة بلي فهاد الوقت غيكونو قالبين عليها الدنيا.. ولكن معندهم ميديرو مقادرينش يتحركو فشتا معندهمش طونوبيل.. جاو غير فالطاكسي باش ميتيروش الشكوك
هبة: فاروق!
فاروق: مم
هبة: واش تقدر تخليني شي نهار؟
فاروق: شوفي العافية شحال زوينة
هبة: تنهضر معاك جاوبني!!
فاروق تنهد: واش ضروري متنكدها علينا؟؟
هبة: هي ناوي ديرها؟ أصلا عمرهم بخليونا نتزوجو
فاروق بحماس: شنو بان ليك نهربو؟؟
هبة بعدات عليه: واش من نيتك أش هاد الخرا؟
فاروق: ياك ديما تتقولي بلي مستحيل عائلتك تقبل بيا الا عرفوني شكون؟ اوا نهربو أنا وياك! هكا مغاديش يقدرو يفرقونا وأصلا نتي درتي 18 عام
هبة: واش صحاب ليك غير نهربو غينساونا؟ راه غيقلبو علينا الدنيا ! لا عائلتك ولا عائلتي عاد غيبدا الصداع
فاروق: شنو بغيتينا نديرو؟ أنا ميمكنش نعيش بلا بيك!!هبة توردو حناكها من هضرتو
هبة: حتى أنا!! ولكن حاول تفهم واخا نهربو لآخر الدنيا غيلقاونا خويا راه عندو صحابو فالبلدان بربعة و نفوذ ديالو فات جدي
فاروق تنهد و بقا ساكت حبسات الشتا ناضو من تما مدات ليه كبوطو..
فاروق: بقاي هنايا هانا جاي
هبة حركات راسها بآه وهو خرج يشوف واش كاين شي حاجة طلع راسو لقا الغيوم مبقاوش و بانت الگمرة بتاسم و دار و هو يبان ليه واحد القطة و القط تيتزاوجو.. بقا تيشوف فيهم و عقلو خدام حتى طاحت عليه فكرة و دخل لعندها
هبة بتوتر: خاصنا نزربو
فاروق: هبة!! لقيت كيفاش يوافقو على زواجناهبة مشات عندو فرحانة
هبة: بصح! حلف.. كيفاش؟
فاروق: خاصك تولي دياليالكوخ
هبة
فاروق
#كيف جاتكم البداية ذيال قصتنا؟؟
#هادي غير البداية مزال متشوقة نعرف رأيكم فيها و توقعاتكم حول القصة🥰🥰🥰
أنت تقرأ
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...