الجزء 27
نرجعو لور شوية..
فاطمة تاجهات لبيت هبة غير دخلات للدار و بدات تتضرب فيه بالجهالة.. نعمان عرفها جات و سمع غواتها لكن مقدرش يتزعزع من بلاصتو ولا باغي يفك شي حد.. اما خديجة لي طاح فبالها خلعها بزااف خافت تكون جات معطلة و لي طرا طرا..حاولات تحل الباب لكن والو مسدود مشات تتجري للبيت تاخدو حيت عندها الاحتياطي تماك.. لكن لقات نعمان سبقها للبيت و ساد عليه.. تدق عليه باش يحل والو..
خديجة بترجي: الحاج يهديك الله حل عليا! ميمكنش تدير ليها هاكا!! راها حفيدتك حل..
نعمان رفض يجاوبها و بقا غير ساكت و مصمر فبلاصتو قلبو مشوي و هو تيسمع غواتهم و مقادرش لا يضعاف و لا يحل عليها الباب و يحبس شنو قرر..
اما قدام بيت هبة باقة فاطمة معافرة معاه تتحاول تحلو..
فاطمة صوتها بح بكثرة الغوات: حللللي الباااااب هاااديييك بنتي لي لداااااخل حللللي..
جميع النساء تجمعو قدام البيت تيحاولو يشوفو شنو غيوقع.. اما خديجة رجعات لعندها و بداات تتغوت تاهي باش تحل عليهم الباااب..
خديجة بحدة: قلللت ليييك حللللي.. انا جداااها و مموافقاش على هادشي.. حبسي علللليا داباااا.. يلاااااه.. حللللي الباااااب..
فلحظة تحل الباب و كانت الداية لي حلااتو.. خديجة شنقات عليها..
خديجة بغضب: شنو درتيها ليها دووووي!
اما فاطمة فتاجهات تشوف بنتها لي كانت ممددة فوق السرير لي عمر بالدم..
فاطمة بالغوات: هبببببببة!!! بنتييي..
حضناتها بقوة و بدات تتغوت تتبكي عليها خديجة غير دارت تصدمات من كمية الدم الكبيرة لي هبطات منها حتى ولى السرير كولو دم..
خديجة: شنو درررتي لييهااا؟
الداية بكل برود: حيدت ليها السبب باش تولد.. مبقى والو و نطهرها عمرها تحمل مزال..فاطمة تتغوت بكل جهدها و تتحاول تفيق هبة لي كانت بحال الجثة متتحركش تحت عينيها كحل و منفوخين و غارقة فدمها.. قلبها تقطع مليون مرة و هي تتشوف حالة ديال بنتها كيف ولات..
فاطمة بحرقة: انا مسامحاك ا بنتي غير نووضي عفاااك.. (صوتها تيقطع فالقلب لدرجة حتى النسا بكاو معاها) هبة! بنتي فيييييقييي عفااااااااااك، فيقيييييي...
فاطمة تتبكي و تتشهق حاسة بروحها خرجات و هي تتشوف بنتها كيف ولات الحالة ديالها.. اما خديجة دفعات الداية عند هبة..
أنت تقرأ
الصلح
Übernatürlichesمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...