الجزء 2
فجهة خرى بضبط فبلاد الشرق
غادة جاية خايفة على بنتها و فنفس الوقت تتعيط ليها والو مكايش الجواب.. تطلب تواحد ميلاحظ الغياب ديالها و لا غتنوض مصيبة حيت وصل ليل و مزال مدخلات لدار.. دخلات عندها لوستها و شافتها هكاك
حفيظة: فاطمة مالكي؟
فاطمة: أنا ؟ والو
حفيظة: و مال وجهك صفر ياك لاباس!
فاطمة بابتسامة مزيفة: والو أختي
حفيظة: و يلاه عاونينا راه رجال على وصول خاص العشا يكون واجد
فاطمة: هي لولاو هبطو لتحت باش يتعاونو مع النسا لخرين يقادو العشا قبل يوصلو الرجال..
الكوزينة كانت كبيرة بزاااف و هي أكبر غرفة فالدار كلها.. الدار لي كبيرة بزااف و كاين لي تيشوفها كقصر.. فالكوزينة كاين بلاصة ديال بيت لخزين فين تيحطو فيه التموين.. و بلاصة فيها البوطات خاصة غير بطياب عاد جهة كبيرة فيها الماعن و حداها شوية واحد الطبلة كانو لي قادوها تيحطوها تماك باش ملي ساليو يديه للطبلة..
أما بلاصة فين تياكلو واحد الصالا كبيرة بزااف مقسمة على جوج بلاصة فين تياكلو النسا و بلاصا فين تياكلو الرجال.. ديما تيسبقو الرجال هما لولين بماكلتهم بكلشي عاد تياكلو لعيالات.. سي نعمان هو راس الكبيرة فالعائلة مزوج بلالة خديجة.. والدين ربعة ديال دراري و تلاتة ديال لبنات.. كلهم مزوجين من غير بنتو الصغيرة لي مات ليها راجلها هادي عام.. و ولادو كاين لي مزوج غير وحدة وكاين لي مزوج جوج.. و الأحفاد كل واحد فولادو والد من غير بنتو صغيرة لي مات ليها راجلها مولداتش معاه..جاو الرجال من برا العيالات تقريبا سالاو
رجال كاملين تجمعو على طاولة العشاء من غير واحد.. الطبلة كانت كبيرة جلس فيها ولاد سي نعمان و الاحفاد دياولو.. أما فالكوزينة فسالاو خاصوهم غير يحطو لعشا..
ثرية: سارة دي طاس و المقراش و الفوطة باش يغسلو
سارة: واخا أ ماماثرية هي لمرة ثانية ديال عبد الله ولد سي نعمان تزوج على مراتو حيت متتولدش.. هزات داكشي و مشات لصلا جهة لي فيها الرجال بدات بجدها هو لول سي نعمان لي كان گالس حداه ولدو لكبير حسن لي حداه كرسي فارغ.. خاص بولد حسن هارون و لي هو أكبر الحفايد قليل فين تيعمر معاهم تيكون ديما فبلاد الجنوب.. و حداه عبدالله راجل ثرية و لولد الثاني ديال نعمان.. لي حداه ولدو يحيى.....
بقات تدور عليهم تتعطيهم باش يغسلو يديهم و يمسحو ليهم كلهم غير سالات رجعات للكوزينة و بداو تيحطو للرجال لماكلة.. من بعد حطو لراسهم بداو تياكلو رجال بوحدهم و العيالات بحدهم الفرق الوحيد هو الطبلة ديال الرجال فيها الكلام تيهضرو مع بعض و تيتحاورو أما العيالات غير ساكتات و حتى الا هضرو.. تيهضرو بهمس باش ميسمعهم حد..
سلاو رجال ناضت حافيظة و فاطمة نوبتهم باش يجمعوا الطبلة ديال الرجال و يجيبو ليهم ديسير و باقي ديال النسا يكملو مكلتهم على خاطرهم.. حافيظة هي لمرا لولا ديال عبد الله لي متتولدش و فاطمة هي مرات حسن مزوجها غير هي و عندو معاها زوج ولاد هارون لي هو أكبر واحد فالحفايد و هبة لي مزال ملاحظوش غياب ديالها..
جمعو الطبلة و جابو ديسير حطوه ليهم و رجعو كملو ماكلتهم على خاطرهم.. غير سلاو ناضو النسا جمعو طابلتهم و جابو الديسير تياكلوه.. أما الرجال فسالاو الماكلة و بقاو تيهضرو بنما سلاو النسا.. لي غير سالاو ناضو جمعو الطبلات بجوج و جابت وحدة فيهم الطاس المقراش و الفوطة باش يغسلو يديهم..
داز الوقت و تقرقو كل واحد مشا لبيتو و النسا بقاو تيقادو من غير لالة خديجة لي متتهز حتى الكاس غير جالسة و تتآمر فيهم.. كلشي داير ليها لحساب حيت هي لكل فلكل فهاد الدار.. أما هبة باقي لحد الآن مزال مجات..
فاطمة
#واش غيلاحظو غياب ديال هبة؟
# شاركوني بأفكاركم و آراءكم على أحداث القصة لي بقين غير فيدايتها و متنساوش تجاوبو على الأسئلة 🤔😇 متشوقة نقراهم 🤩🤩🤩 و نجاوب عليهم
أنت تقرأ
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...