الصلح

الجزء 32

قصـــــة بعنـــــوان:

        الـــــــصـــــــلــــــــح

الـــكـــــاتـــــبــــــة: 𝐒𝐀𝐑𝐀𝐇 𝐒𝐀𝐑𝐑𝐈𝐓𝐀

الفــصل الـثــــانــي : الــــزواج

🚬لست امام عيني لكنك كل ما أرى🚬

الجزء 32

غير كمل هضرتو خرج و خلاها.. و هي غير تتشوف جلسات فوق الناموسية و تتبكي بحرقة و تتشهق.. اما الغالي خرج و هو حاقد ديال بصح حاسس بلي كلشي ضدو..

أما نهال غير تتبكي، هزات حوايجها و حلات البلاكار ديالو خوات ليها واحد البلاصة و بدات تتحط حوايجها فيها و دموعها نازلين.. غير سالات هزات تيليفونها و خدمات الفيديو.. حيت هاكا تترتاح ولا غادي تفرگع بدات تتهضر مع راسها.. و تتخرج جميع داكشي لي تتحس بيه لداخل..

نهال مسحات دموعها و تتشوف فراسها كيف ولات: شو كيوليت! لا قرايا لا خدمة لا عائلة ولا اب!! (بداو تيهبطو ليها الدموع) با!! تعصب عليا.. حيت بغا يديني نهار العرس و يخليهم.. (بغضب) وااااااش ا عبااااد الله اناااااا مفكرتش فهااادشي؟؟ فككرت فييييه مليوووون مرررة قبل منووو.. و لكن شنو ندير؟ منقدرش نكون انانية و نخلي كلشي مورايا! راه ميمكنش.. (مسحات دموعها) الا درتها مغاديش تبقى عائلة ليمار.. كلشي غيموت.. الدم غير تيتفسك! اصلا جداات هارون عاوداات لياا كلشي كيفاش بدات العداوة و كيفاش تسالات.. ( تتشهق) انا مبغيت نخسر حد.. و مبغيت نتسبب فمووووت ديال تاااشي حد.. (تنفسات بعمق) خاصنا نولف.. خاصني نولف هاد الوضع الجديد! عارفة مستحيل يتقبلوني كيفما انا.. و مستحيل يصبرو عليا بحال عائلتي.. داكشي علاااش غير ساااكتة و متنجاوب حد.. اما فيا ميسمع لدييك القردة خل ودنيها!! تتخبط عليااا فالبلاااطو!! (تأفأفات) اوووف نهال (بدات تتدلك فجبينها) تهدني!! تهدني راها غير وحدة مكلخة و برهوشة صغر منك و نتي دايرة فيها عقلك.. (تفكرات هبة) واش هضرتها صحيحة؟ ليوم ختو جات لعندي و قالت ليا بلي رجعات عاگرة، (بوجه حزين) بقات فيا بزااف حتى كيفاش هضرات باينة فيها مجروحة بزااف! واش حتى انا غادي يردوني عاگرة؟ حيت هادشي لي قالت ليا!!

نهال طفات الفيديو و مشات لطواليط غسلات وجهها بالما بارد باش تفيق.. خرجات من طواليط و هي تهز تيليفونها عيطات على صاحبتها.. لي جاوبات فيساع..

سميرة: فين غاطسة؟
نهال تنهدات: لهلا يوريك.. مهم باختصار.. انا تزوجت بالدم..
سميرة شهقات: كيفاش؟ مفهمتش؟ بلاتب بلاتي نتي راك زربتي عليا بزاااااف
نهال: كيفما سمعتي العرس فالايام الجاية و محتاجاك حيت تهرس ليا تيليفون مشاو ليا النوامر و بغيتك تعطيني ديك الأجاندا لي فيها النوامر..
سميرة: بلاتي قلت ليك راكي زربتي عليا! دابا نتي تزوجتي بلا عرس؟ و باك؟ و وقتاش العرس؟ و لاش بغيتي نوامر؟
نهال: قصة طويلة مغاديش نعاود ليك منها والو! و بغيت الأجاندا لي فيها النوامر باش نعرضهم للعرس! حيت معندي تاشي نمرة..
سميرة تنهدات بفرح: اوا كنت انا غادي نسبقك لقفص الزوجية صدقتي مسويهلاش و سبقتيني!
نهال: صافي متحكريش عليا مافيا لي يخرجي شي حاجة ماهياش!!
سمير بدات تتضحك: ههههههه! عرفتك قليلة الأدب..
نهال: صافي ا سميرة خلاص عليا..
سميرة: صافي هاني سكت! قولي ليا بعدا تنعرفو انا؟
نهال: واش هو؟
سميرة بسخرية: مقادراش تقولي زوجي حبيبي!!
نهال بغضب: سميرة!!
سميرة: صافي هاني سكت يالاه قولي..
نهال: تتعرفيه.. باقي تعقلي اخر محاضرة حضرنا ليها بجوج؟ هاداك لي كان تيشرح؟
سميرة بصدمة: ما مشيتي حتى خديتي واحد راسو عامر.. و الله حتى براافو عليك ا نهال..
نهال بسخرية: اينا عامر؟ متزيديش عليا!!
سميرة: واش نتي معارفاهش شنو دار و شنو ناوي يدير؟ هاداك راه هارون راميل.. ياك هو ؟ ولا يكما تغالط ليا.. حيت هاديك هي اخر محاضرة حضرنا ليها بجوج..
نهال: اه هو! و لكن عائلتو و عائلتي اعداء!
سميرة بطنز: داكشي ديال الحب المستحيل! ههههه
نهال بعصبية: غاااادي نقطع داااباااا..
سميرة: صافي راه و الله حتى تنضحك.. غير هو راه بصح راجل ناجح.. كلشي تيعرفو و تيعرفو المشاريع ديالو فالبلدان بربعة..
نهال بتعجب: حتى بلاد الشمال؟
سميرة: شفتي حتى المعسكر لي درنا عليه بحث؟ فاش تنكرنا و دخلنا برخص مزورة هادي عامين؟ هو لي عاونهم فيه حتى دارو ليه الترميم و زادو داك الارض لي من وراه.. دابا غادي تكون كملات..
نهال: و انا علاش مفخباري والو؟
سميرة: حيت فاش كنت تنقاد فداك البحث نتي جاو فيك الخطاب و مشيتي باش باك دار ليك الشوهة مرة خرى..
نهال: صافي نساي!
سميرة: ديك المرة فاش قلتي ليا نسيفط ليه الاسئلة و زدت بحثت عليه كثر لانحتاجو فشي حاجة راه ناوي يبني شي مكتبة فبلاد الغرب و حاطين على الارض ديالكم.. حيت هي احسن ارض تقدر تدار فيها..