الجزء 7
بلاد الغرب
وصلات طونوبيل لسبيطار كانت نهال لداخل تتسنى شي خبار و مخلوعة تتبكي من بعد ماسالات الشوهة لي كانت دايرة دخلات.. جاو تيجريو تيسولو على الغالي قالو ليهم بلي فالعمليات وفين كاين مشاو تيتجاراو لتما.. نهال غير شافت حياة مشات لعندها و عنقاتهانهال: ماما حياة!! أنا خايفة بزااف
هشام: متخافيش غيولي مزيانخرج عندهم الطبيب
الطبيب: نتوما من عائلتو؟
عبد الرحيم: آه! أنا باه واش ولدي لباس عليه؟
الطبيب: متخافوش الضربة مجاتش فبلاصة خطيرة.. غينديوه للغرفة ديالو يرتاح فيها شوية
نهال: علاش تعطلتو بزااف؟!
الطبيب: كان خاصنا نديرو ليه بعض لفحوصات قبل حيت شكينا بلي يقدر يكون مريض لكن حمدلله شكوكنا مكانتش فمحلها
نهال: بغيت نشوفو!!
الطبيب: خليوه يرتاح ليوم حتال غدا عاد شوفوه
نهال: أنا غنبقى معاه!! الا حتاج شي حاجة
الطبيب: راه كاينين الممرضاتعبد الرحيم عصباتو نهال يلاه تيبغي يسول طبيب حتى تتنقز تهضر.. حتى نغزاتها حياة باش تسكت..
طبيب: نخليكم و لله يجيب شفا
عبدالرحيم: شكرا
الطبيب: هادا واجبمشا وخلاهم
عبدالرحيم: بغيت غير نعرف علاش تتنقزي؟؟ مالكي خفيفة تقالي شوية راك بنت!!
نهال بغات تجاوبو نغزاتها حياة و جراتها لعندها
حياة بهمس: واش حماقيتي راه جدك هداك حتارميه و تعلمي تسكتي شوية!!
نهال بقات ساكتة و غير تتخنزر شوي بداو تيجيو الناس و يسولو نهال على الغالي.. حيت گاع لي كانو فالمستشفى عرفو شنو وقع مع باها و كلشي تعاطف معاها.. عبدالرحيم شاف شحال ديال الناس جاو تيسولوها تصدم مفهم والو حتى هشام و حياة غير تيشوفو.. هشام قرب لحياة و هضر بهمس
هشام: مال هادوك مجموعين عليها ياك لباس؟
حياة بهمس: حتى أنا بحالك معارفة والوهشام تيشوف باه كيفاش مصدوم من نهال
هشام بهمس: سيري شوفيها لتكون عاوتاني دايرة شي مصيبة
حياة بهمس: واخا!!مشات لعندها نهال كانت معنقة واحد لمرا متتعرفهاش و تيبكيو جات عندها حياة
حياة: نهال ياك لباس؟
نهال بعدات على لمرا و مسحات دموعها
نهال: هاد لمرا مسكينة ليوم فالصباح مات ليها باها هنايا.. أنا با مغيوقع ليه والو ياك أ ماما حياة؟
أنت تقرأ
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...