قصـــــة بعنـــــوان:
الـــــــصـــــــلــــــــح
الـــكـــــاتـــــبــــــة: 𝐒𝐀𝐑𝐀𝐇 𝐒𝐀𝐑𝐑𝐈𝐓𝐀
الفــصل الـثــــانــي : الــــزواج
🚬لست امام عيني لكنك كل ما أرى🚬
الجزء 30
رجاء بتاسمات فرحانة: بصح ا جدة؟ واش حتى انا نقدر نتزوج ؟
عائشة خنزرات فيها: متكونيش خفيفة بحال خوتك..اما شاذية بدات تتكحب حتى مدات ليها زينب كاس ديال الما.. عائشة قربات ليها..
عائشة: معندك مناش تخافي.. داكشي تيدوز بالزربة هانتي شوفي ختك كيفاش غادي يدوز عندها..
دارت اشارة للداية و تاجهو للناموسية.. رجاء تكات مغمضة عينيها و قلبها تيضرب.. الداية قلباتها و عطاتها قبل واحد المشروب شرباتو.. غير سالات دارت عند عائشة..
الداية: البنت صحيحة فصيحة.. معندها حتى مشكيل فصحتها و حتى الا تزوجات غادي تقدر تولد و تولد الولد گاع.. معندها حتى مشكيل..
عائشة بفخر: و حفيدة من هي؟ يلاه ا مليكة نوبتك..مليكة تاجهات للناموسية و نفس الحاجة شربات المشروب لي عطاوها و غطاو نصها بليزار تتقلب فيها.. اما زينب و شاذية غير تيشوفو..
زينب بهمس: معندك مناش تخافي! نتوما غير تباوستو.. مالها تقدر تعرف هادشي هي تتعرف غير الا غلطتي معاه ياك مقربش ليك.. صافي هاكا تتخليهم يشكو..
شاذية بهمس: خايفة بزااف راه كاينين شي وحدين تيعرفو حتى واش عمرك تقاصيتي فلحمك كامل.. بلاما تسوليني كيفاش..
زينب بهمس: معندهم ميديرو.. واش قرب ليك؟ ياك غير بوس و صافي.. نساي باش ميبان عليك والو هاكا غادي غير يشكو..قربات منهم رجاء: شنو تتقولو من الصباح؟
زينب: والو غير شاذية حشمات تتعرى قلت ليها عادي راه فاش غادي تزوجي داكشي غيولي عاديرجاء خنزرات فيها و شاذية تتشوف فزينب بصدمة..
رجاء: قليلة الأداب.. كوني تحشمي و وزني كلامك.. متكونيش خفيفة..
زينب توثرات: غير زعما
رجاء بحدة: سكتي جدة غادي تسمع.. متبقاوش تهضرو فهادشي عيب...الداية: صحيحة فصيحة! البنت يتيمة و زهرها قليلة و نتوما صحاب الدار الكبيرة.. خاص اخر وحدة تزوجات ترشمها بالذهب باش يتزاد رزقها..
عائشة بحزن: اوا شنو نديرو مها الله يرحمها موتها بقى كية فقلبي.. (شافت فزينب بمعنى نوبتك) زينب..
أنت تقرأ
الصلح
Fantastiqueمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...