الجزء 16
فبلاد الغرب
نهال لصقات فالقهوة من صباح مخرجاتش فطرات و بقات تماك كل مرة تهضر فتيليفونها مع شي حد.. حتى وصل وقت لغدا و جا عندها سرباي جاب ليها لغدا تغدات.. بقات تما مدة تتفكر عاد عيطات لسرباي
سرباي: خاصك شي حاجة؟
نهال مدات لي لفلوس: بغيت باكية ديال لگاروسرباي حقق فيها مصدوم خدا من عندها لفلوس و مشا يجيب ليها.. رجع من بعد دقائق و مدو ليها
نهال: عندك بريكا؟؟
سرباي: ختي نهال منصحكش تكمي هنايا راه كان واحد لبيت لداخل كمي فيه ميشوفك تاشي حد
نهال مخنزرة: غير خليني ماسوق تاشي حد فيا
سرباي: راه الا حصل شي حد و عيط لبوليس غيسدو لينا لقهوة راك عارفة لگارو ممنوع يتكما قدام الناس..
نهال تنهدات: فين كاين هاد البيت
سرباي: تبعيني!!نهال حركات راسها بآه تبعاتو و دخلات لتما بان ليها جوج رجال تيكميو فيه و واحد لبنت دايرة بيريك تتباوس مع واحد تاهو متنكر.. نهال عافت من المنظر ديالهم لي حبسو ملي شافوهم داخلين
سرباي: متافقناش على هادشي بغيتو ديرو هاد الزبل سيرو للملهى عطاهم لله !!
دار عند نهال: هاكي لبريكامدها ليها هي مشات جلسات وهادوك جوج لي كانو تيتباوسو خرجو من تما شعلات لگارو و بدات تتكمي.. حتى جا عندها واحد من هادوك جوج و جلس حداها.. بقات تتخنزر فيه أما هو مبتاسم
دري 1: عجباتني شجاعة ديالك جايا للقهوى بلا متنكري و جابدة لگارو تتكميه!!
نهال بغضب: و نتا مالك؟دري 2 ناض تاهو من بلاصتو متاجه ليهم و جلس حداهم تيكمي تاهو
دري2: شحال بغيتي و تمشي معانا لدار تمتعينا؟؟
ختمها بغمزة وهو عاض على شفاه لتحتانية.. منظرو عيفها نترات من لگارو و جاوباتو
نهال: و نتوما شحال بغيتو باش تخليوني نكمي على خاطري؟
دري 1: هههه ضحكتيني
نهال بحدة: أنا متنضحكشنهال طفات لگارو و ناضت من تما خارجة رجعات جلسات فبلاصتها.. تبعوها هادوك جوج خارجين جلسات و هما يجلسو حداها.. نهال عيطات لسرباي و جا لعندها
نهال بعصبية: عفاك شد عليا هاد شمايت قبل مندير شي حاجة ماشي هي هاديك!!
غير سمعو شنو قالت بلي عايراتهم واحد مشعرش عطاها بكروشي حتى طاحت هي و الكرسي نيفها و فمها هابطين بالدم و لاخر عطاها واحد الركلة لكرشها بالجهد حتى غوتات.. جيرون ديال لمقهى غير سمع لغوتات خرج كلشي بدا تيتفرج و نهال حسات بالحگرة مقدرات دير والو..
أنت تقرأ
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...