الجزء 5
لبسات جلابتها و خرجات من تماك لقات بنتها تاهي لابسة غير جلابة هبطات باش تخرج و تلقات ليهم لالة خديجة
خديجة: ياك لباس فين غاديين؟؟
فاطمة: خاصها حوايج غنمشيو نشريوهم دغية نرجعو!! راه سي حسن فخبارو هو لي عطاني لفلوس و قال ليا نخرجها
خديجة: متعطلوش!! قبل العصر تكونو هنا
فاطمة: كوني هانيا!! يلاه أهبة
هبة حركات راسها بآه و خرجات مع مها شدو طاكسي حتال آخر لبلاد فواحد لحقل حطهم.. هبة معارفاش راسها فين هي غير غادا مع مها.. بقاو تيتمشاو مدة و هما مدرگين بالقب باش تاحد ميعرفهم
هبة: ماما فين غادين
فاطمة مجاوباتهاش.. بقاو غاديين حتى وصلو لواحد الدار قديمة دقات فاطمة لباب حلات ليها واحد لمرا و هما يدخلو.. بقاو تيتسناو نوبتهم مدة عاد دخلو عند واحد لمرا
لمرا: أش حب الخاطر ؟
فاطمة: قلبيها واش بنت ولا لا
هبة غير سمعات مها شنو قالت تخلعات حيت عاد لبارح عطات راسها لفاروق يعني مبقاتش بنت.. الا عرفات مها صافي غتمشي فيها هما دارو هكا باش تزوجو و لكن مكانوش معتاقدين دغية غيتفرشو خاص الوقت..
هبة: ماما شنو تتقولي واش تتشكي فيا
فاطمة قصحات قلبها: بغيت نعرف واش بنتي تتلعب ورا ظهري ولا لا!! ملي شفت التصاور التقة مشات
هبة عينيها دمعو هضرة ديال مها كانت بحال لخنجر فقلبها حيت بصح خانت التقة ديال مها و حيت بصح لعبات ورا ظهر مها..
نوضاتها فاطمة و دخلو لواحد البيت تماك.. لاحتها فوق الناموسية و شافت فلمرا
فاطمة: ديري خدمتك!!
هبة تكات على ظهرها خايفة تترعد حيت عارفة شنو غيجي من ورا هادشي.. لمرا فحصاتها و دارت عند فاطمة أما هبة تتنخصص بلبكا
لمرا: اوا شنو نقول ليك!!
فاطمة مدات ليها لفلوس عاد هضرات
لمرا: ماشي بنت و هادشي جديد اما صباح ولا لبارح بليل.. و الا بغيتي تعرفي داكشي لاخر
فاطمة قاطعاتها: لا بلاش!!
فاطمة بقات غير ساكتة تتفكر قصحات قلبها و دارت عند لمرا
فاطمة: شنو تقدري ديري؟؟
لمرا: نقدر نعرف كولشي عليها
فاطمة: مبغيتهاش تحمل من ليلة ديال لبارح
لمرا: هي لولا
هبة سمعاتها شنو تتقول ماشي هادشي لي باغا هي وياه هما باغين هبة تحمل هكا ميقدروش يقولو ليها لا.. حيت الا محملاتش غيكون مصيرها الموت..
أنت تقرأ
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...
