الصلح

الفصل الأول: الخطيئة

الجزء 23

نيهال: مغادي يوقع ليا والو!
حياة: راه كاينة عداوة بيناتنا..
نهال: مبغيتش نجي! اصلا با متيهضرش معايا و زيدي عليها داكشي لي وقع.. مع الخطاب..
حياة: كيفاش؟ شنو تتقولي؟

نهال عاودات لحياة كلشي و عاد فهمات علاش عبد الرحيم غير معصب هو و عائشة و قدرات تفهم بلي علاقتهم متوثرة.. و لكن مستحيل تخلي نهال تماك بوحدها و الحل باقي ملقاوهش..

حياة: الله يرضي عليك! اجي..
نهال: خاصني نطلع الكلية غير تسالي هاد السيمانة..
حياة: غنصيفط ليك رشيد! ياك تصالحتو..
نهال تنهدات: راه غير تتزيدي فيه مغادي يوقع ليا والو كوني هانية..

وصل الصباح
نبداو من بلاد الشمال
هبة لي تتذبل نهار على خوه.. عينيها منفوخين بالبكا، و تحت عينيها كحل بقلة النعاس و العيا.. يديها حيدو ليها الگبص، و ضعافت..

دخل عليها عمر تيشوف و هاد المرة مجابش ليها الماكلة هادشي لي لاحظاتو.. قلبها تيضرب و خافت بزااف، حل ليها يديه و خرج..

مكملاتش دقيقة سمعات الدقان فالباب ناضت و مشات للباب حلاتو كان الغالي..

الغالي: بنتي وجدي راسك غادي نرجعو لبلاد الشرق..

هبة خافت يرجعوها لعائلتها و يعرفو بلي محاملاش و غير كذبات على هارون باش تعتق راسها

هبة بنبرة خوف: علاش؟
الغالي بحزم: باش نديك لعند عائلتك..
هبة هبطو ليها الدموع: فين فاروق؟

الغالي ابتاسم: الحمدلله فاق من الغيبوبة.. متخافيش غادي نزوجوكم..

هبة غير سمعات غنزوجوكم و هي تسخف.. الغالي هزها و حطها فوق الناموسية عيط على الطبيب.. لي قدر يفيقها.. و هي غير تتبكي و تتنطق بفاروق.. شربات الما و يديها تيترعدو و ناضت باش تشوف فاروق..

خرجات من البيت غير بان ليها عمر و هي تخنزر فيه.. حلات البيت و دخلات كان هشام مع ولدو.. فاروق غير شافها فرح، مقدراتش تعنقو قدامهم ولا هو عندو الزعامة باش ينوض و يعنقها قدامهم..

لكن كان فرحان بزااف، حيت و أخيرا هبة غادي تولي مراتو قدام الكل.. الوعد لي عطاها غادي يوفي بيه.. هادشي لي قالو ليهم ناويين يرجعوهم، لكن واش فعلا هادشي لي غيوقع؟ و هارون لي تيرا فيحيى قدامهم و كان تيشكل تهديد قدامهم بلي فاروق يقدر يتقتل و بدم بارد من طرفو..

الغالي: يلاه وجدو راسكم باش نشدو الطريق و نرجعو..

فبلاد الغرب
يحيى و هارون خرجو من البوسط ديال البوليس..