الروائية/إيمان رجب
في عروس البحر المتوسط الأسكندرية على شاطئ البحر فتاة شعرها الاسود يلمع عيناها العسلية تترقرق فيها الدموع تجلس وتبكي بشدة تتذكر
Flashback
تحدثت فريدة بحب : يااه انا مبسوطة اوي اليخت جميل جدا يا خسارة الاجازة بتاعتك قربت تخلص هترجع تاخد اجازة امتى
رد عليها إياد مُعقبًا على حديثها : وانا كمان يا عمري مبسوط اوي بس مش هينفع اخد اجازة تاني انتي عارفة الحربية بقا بعد اسبوع عشان هتكون اجازة جوازنا ساعتها هابسطك اوي وهاخدك باليخت ونسافر اي حتة انتي نفسك فيها اشطا
إبتسمت فريدة له بحب ثم ردت عليه : ماشي اذا كان كده لقد عفونا عنك لمد شهر لحد ميعاد الفرح وانا كمان مشغولة في كذا قضية احنا ايه اللي دخلنا شرطة اصلا ادينا مترمطين فرحنا بعد اسبوع ولسة شقتنا مخلصتش بسبب اشغالنا
ضحك إياد على طفولتها ثم رد عليها بحب : اهو حظنا بقا نعمل ايه ان انا وانتي ظباط انا حربية وانتي ظابط في مكافحة المخدرات عيالنا بقا يبقو بحرية و طيران عشان يبقى كملوا المجموعة
ضحكت فريدة عليه كثيراً ثم تحدثت بجدية : عندك حق والله صح انتوا وصلتوا لمعلومات جديدة عن الوكر اللي في رفح انا سمعت ان اللي فجره الاتوبيس بتاع الاجانب هناك الموضوع عامل ضجة بس كويس ان السياح مركبوش الاتوبيس ده كان زمان مشاكل دبلوماسية كتيرة حصلت
رد إياد على حديثها مُعقبًا : اه هما في رفح بس لسة معرفناش هما فين بالظبط فعلا الموضوع كان هيبقى صعب اوي لولا وصلنا للمعلومات بتاعة الأنفجار قبله بربع ساعة كان زمانهم فيه الحمد لله نقلناهم في اتوبيس تاني و الفضل أزاد
إبتسمت له فريدة وردت عليه : الحمد لله يا حبيبي انا بكره عندي شغل كتير اوي في شحنة مخدرات كبيرة هتدخل البلد لازم نمسكها والا هتدمر ناس كتير اوي
رد إياد مُعقبا على حديثها : عرفت من أزاد عنها قالي انها مخدرات متنوعة لو دخلت مصر هيدمر شباب كتير اوي
ردت عليه فريدة : ربنا يسترها بكره انت هتسافر بالليل صح
إياد : اه انشاء الله هتحرك عالساعة ٩ هتوحشيني اوي إنشاء الله هنقضي عالوكر ده وهارجع على طول نتجوز ونسافر نقضي شهر العسل
لمعت عين فريدة بالدموع وتحدثت : هتوحشني اوي خلي بالك من نفسك عشان خاطري انا بحبك اوي يا اياد
رد عليها إياد ببسمة : متخافيش يا قلب اياد هبقى كويس انشاء الله انا بعشقك يا فيري
ردت عليه فريدة بغضب كالأطفال : انا قولت كام مرةبلاش الدلع ده من واحنا صغيرين وانت بتقوله انا بكرهه قولي فروتي زي ماما والباقي
رد عليه إياد بضحك : لا مش هقول فروتي ده اللي ماما اخترتهولك من وإحنا صغيرين اما انا هفضل اقولك فيري فيري فيري
فريدة وهي بتجري وبتضحك : ماشي براحتك يا أوريو
اياد بغضب ويجري خلفها :فريدة قولتلك ١٠٠ مرة بلاش الاسم ده
Back
بدأت فريدة في البكاء بشدة وتحدثت قائلة: فات سنة يا اياد سنة كاملة على بعدك عني فضلنا مع بعض ٢٥ سنة من واحنا صغيرين تقوم تسبني وتمشي يا إياد وحشتني اوي يا اياد وحشتني قربت اوصل للي عملوا فيك كدا يا حبيبي ومش هسبهم يا اياد الا لما اخدلك حقك يا حبيبي وبعدها هجيلك مش هسيبك لوحدك وده وعد مني ليك
في المديرية
اللواء أحمد بفرحة : بجد يا ازاد وصلتوا للي قتلوا إياد أخيرا بس اوعى تقول لفريدة اوعى انت عارف هي ممكن تعمل ايه مش هتسمح يوصلوا عايشين انت عارف اللي حصل من سنة انتقلت لمكافحة الإرهاب عشان تاخد حق اياد وبس ومبقتش تفكر في اي حاجة غير حقه ما انت اكتر واحد عارفها بعد اياد
نظر له أزاد بأسف و تحدث قائلاً : انا اسف يا بابا قصدي يا فندم بس انا كلمتها وهي جاية كلها دقيقتين وتلاقيها هنا انت عارف ان عمري ما هقدر ابعدها عن حق اياد اللي اتاخد غدر يوم فرحه صاحبي واخويا وفريدة كمان هي اللي امرت بالتحريات كلها يعني عرفت قبلي كمان
تحدث اللواء احمد بغضب قائلاً : انت بتقول ايه يا أزاد انت عارف فريدة بقت متهورة ازاي مبقتش بتاعت زمان فريدة لما واحد مرضاش يعترف من العصابة عالباقي ضربته بالنار في رجله في المديرية اعملي اجتماع حالا واجمع فريدة فيه كمان
وقف أزاد يؤدي التحية وتحدث قائلاً : اوامر معاليك يا فندم
" خرج ازاد من المكتب ليتوجه إلي مكتبه "
تحدث أحمد بحزن على ازاد ابنه و فريدة : لازم يا فريدة تبعدي ازاد هيعرف يتحكم في اعصابه إنما إنتي لا مجرد ما تشوفي اللي قتل اياد مش هتقدري لازم ابعدك عن المهمة دي
في غرفة الاجتماع دقت فريدة عالباب سمح لها اللواء أحمد بالدخول دخلت جلست الكل ينظر لها فالكل يعرف قصتها مع اياد خلال سنة في مكافحة الارهاب استطاعت تنفيذ جميع المهمات بنجاح وهذا يرجع الي كرهها لهم دخل ازاد ورائها المكتب و جلس بجوار فريدة
فريدة بصوت عالي بعض الشيء وصل لمن في الغرفة : هو اللواء عايزنا في ايه يا أزاد مش المفروض نجهز ولا ايه عشان نطلع عالمهمة ونراقب كويس لان اقسم بالله ما هسمح يفلتوا مني لو على موتي يا ازاد وانت عارف
نظر حسام صديق احمد واياد من ايام الكلية شاردا عليها بحزن فهي كانت الوردة التي يتمناها الجميع ولكنها كانت تعشق اياد وفضلته عن الجميع وحسام ينظر لها بحب فهو يحبها و لكن عندما عرف انها تحب صديقه وهو يحبها قرر الابتعاد ثم نظر اليها وتحدث وقال : اهدي يا فريدة احنا كلنا كمان عايزين حق اياد بس بالتفكير
يتبع
أنت تقرأ
لا تنطفئ انا معكي ( مكتملة الجزء الاول )
Romanceمن قال ان كسرة القلوب لا تشفى فقد خطا يمكن ان تكون احسن من قبل اذا اخترنا الشخص الصحيح لاعادتها كما كانت واحسن ❤
