لا تنطفئ انا معكي ( مكتملة الجزء الاول )

الجزء الأول _ الفصل الثاني و العشرون

في بيت العائلة الأكبر تجلس إحسان على كرسي برفقة أبنائها تفكر في فريدة و في جرائتها و ملامحها التي تشبه فيروز إلي حد ما ذكرتها بشخص كانت تعرفه زمان ترجع برأسها إلي الخلف وترجع معها بالزمن

Flashback

تحدثت إحسان وهي تبكي قائلة : إلحقني يا أمين عايزين يجوزوني لرأفت إبن شيخ القبيلة اللي جنبنا هات أبوك يا أمين و تعالى عشان تتجوزني

تحدث أمين و هو يضحك قائلاً : أتجوز مين أتجوزك إنتي مجرد تسلية أما أنا بحب سلمى سلمى وبس هي حبي و حياتي و روحي و نبضي

إنهارت إحسان وتحدثت بكسرة على الشخص الذي تعشقه قائلة : طب و أنا يا أمين هتسبني هتسيب إبنك اللي في بطني

ظل أمين يضحك و إحسان تنظر له و هي مندهشة من حالته حتى نظر لها

تحدث أمين و هو يضحك قائلاً : للأسف أنتِ اللي هبلة يا إحسان فكرتي إن ممكن في يوم أتجوزك و أسيب سلمى اللي بحبها و كمان بنت الأصول كلها مش مجرد بنت شيخ قبيلة 

Back

أدمعت عين إحسان و هي تجلس الكرسي فسألها أحمد إبنها الأكبر تحدث قائلاً : مالك يا سونة بتعيطي و لا إيه

تحدثت إحسان بحب قائلة : مفيش حاجة يا حبيبي أنا بس عيني دخل فيها حاجة عشان كده عيني دمعت بس قولي بقا أنت كان قصدك إيه لما قولت للي إسمها فاطمة دي إنك هتبقى تيجي

تحدث أحمد بشك قائلاً : معرفش بس حسيت في غلط في الناس دي و سلمى و هي بتدافع عنهم برضوا في حاجة غلط و إبنك هيعرفها

نظرت له إحسان فتفكير إبنها الأكبر يشبه تفكيرها دائماً و هذا ما حسته تجاه فريدة
__________________________________

دخلت سلمى و فريدة إلي غرفة وتنظر فريدة فهي دخلت هذه الغرفة من قبل لترى أشياء إياد

تحدثت فريدة بحزن شديد في قلبها قائلة : إيه يا سلمى جبتيني هنا ليه

فتحت سلمى حقيبة و أخرجت منها دبلة فضية مكتوب عليها أسم فريدة نظرت فريدة إلي هذه الدبلة فهي تعرفها كثيرا

Flashback

تضحك فريدة بشدة و تحدثت قائلاً : بجد يا إياد إشتريت اليخت ده عشانا حلو أوي

تحدث إياد ببسمة قائلاً : مش مصدق إننا إتخطبنا يا فريدة و كلها كام شهر و هنتجوز وهاخدك باليخت ده العالم كله ونسافر الدنيا كلها

خرج صوت من غرفة القبطان و فريدة تعرفه جيدا و هو صوت أسر الذي تحدث قائلا : يا باشا و أنا معاكم و النبي يمكن الاقي بنت الحلال اللي تتوب قلبي الولهان

ضحكت فريدة بشدة و نظر له إياد بغيظ شديد ثم ابتسم قائلا : انا اعزب و وحداني و غلبان متجيش عليا انا بقولك اهو انا داخل الاوضة عالم هتتجوز بعد كام شهر و متهنية و عالم من كتر العوزوبية بقت تعاكس في سمك الماية