لا تنطفئ انا معكي ( مكتملة الجزء الاول )

الجزء الأول _ الفصل التاسع عشر

فريدة بحزن : عارفة يا فيروز أنا برضه ارتحتلك حسيتك طيبة رغم إن لسة متخانقين بس حسيتك زي أختي كان نفسي في أخت بنت أوي اللي هون عليا موضوع إن معنديش أخت صحبتي خديجة ورقية مخلونيش أحس خالص بحاجة لحد موت إياد كان نفسي أوي في أخت بنت تحتويني في الفترة دي كانت هتمنع حاجات كتير أوي بس يلا الحمد لله على كل شئ

فيروز بحزن : يلا نطلع الشاي و كده كده إنتي هتقعدي معانا نبقى نتكلم شكلنا أنا و أنتي و سلمى حالنا من بعض والحزن والجرح ملازمنا

فريدة بحزن : على رأيك

في غرفة الصالون في بيت سلمى تجلس إحسان وهي تنظر للجميع

إحسان ببرود : معرفتناش يعني يا حسين مين ضيوفنا

حسين بتأفف : دول مش ضيوف يا عمتي دول قرايبنا هعرفك عليهم قا

قطعه قاسم في هذه اللحظة ونظر له بشدة فهمت نظرته سلمى وتحدثت

تحدث قاسم بثقة ثم بدأ أن يعرفها على الجميع بأسمائهم المستعارة

قاسم بهدوء وثقة أشار قاسم على أزاد و حسام : ده يبقى محمود أخويا وده يبقى احمد أخويا برده

ثم أشار على أسر وزين : ودول ولاد خالتي محمد وعيسى و اللي في المطبخ دي تبقى فاطمة أختهم الكبيرة و أنا أبقى عزيز بس كده عرفتي الضيوف بس على فكرة احنا مش ضيوف احنا ولاد أخو جوز خالت حسين وإحنا أصحاب وقولنا هنيجي ناخدهم نروح شرم أسبوع والشيخ أمير عارف وسبقنا كمان و إحنا هنمشي بعد بكره صح ولا لا يا حسين

أندهش الجميع من دهاء قاسم اللاء متناهي رتب كل هذا فيما لا يتعدى الثلاث دقائق و كيف أخبرها أنهم مسافرين دون أن يشك أحد منهم في أي شئ

حسين : صح يا زيزو روحي يا سلمى شوفي الشاي أتأخر ليه

سلمى بخوف من أن يكون فيروز و سلمى تشاجروا مرة أخرى : حاضر يا حسين أنا هقوم اشوفهم أتأخروا ليه

في هذا الوقت وصلت فيروز و فريدة وتحدثت

فيروز ببسمة : إحنا جينا متأخرناش ولا حاجة كنا بتتكلم شوية أنا و فراولة عادي يعني صح يا فراولة

ابتسمت لها فريدة بحب : صح يا فيروزي

نظر الجميع باستغراب ظهور علامات الدهشة على أوجه الجميع وبالتحديد أسر الذي تحدث اقترب من زين وتحدث بخفوت

أسر بخفوت لزين : بقولك إيه هي فريدة قالت لفيروز حاجة ولا إيه دول من شوية مكانوش طايقين بعض و دلوقتي زي السمنة على العسل و أختك بسم الله مشاء الله هادية خالص اللي يشوفها من شوية ميشوفهاش دلوقتي