لا تنطفئ انا معكي ( مكتملة الجزء الاول )

الجزء الاول _الفصل الرابع عشر

صعدت سلمى قالت : انتوا لسة قاعدين هنا سيبوها ترتاح يلا يا حسين خدهم على بيت عمي عشان يريحوا لحد اما الاكل يجهز وانا وفيروز قاعدين مع فريدة واما تفوق هناكلها ومتخفوش انا هعرف اتعامل معاها ممكن تروحوا تريحوا ومتقلقوش عليها

زين : انا مش هسيب فريدة لوحدها أنا هستنى لما تصحى

سلمى  : مش بمزاجك والله هما كلهم هيمشوا بس تربيتك عمرها ما هتسمحلك تقعد مع بنتين ومفيش في البيت رجالة

ضحك وجميع من الغرفة وتحدث اسر : هو ده قصف جبهة ولا مدح حد يقولي عشان اعرف

حسين : يلا عشان تريحوا وبعد كدا هنيجي عالاكل متخفوش البيت جنب البيت بعني لو في حاجة هيندهولنا يلا بينا

ذهب اليها زين وقبل رأسها ويديها فلاحظت سلمى مدى حبه لها ثم ذهب مع الجميع ونزلوا وفي طريقهم للخروج كان قد اتى سفيان و استغرب عليهم وقال

سفيان باستغراب : انتوا رايحين فين وفين فريدة مش معاكوا ليه

حسين : أهدأ يا سفيان هي كويسة وسلمى وفيروز معاها جوا انا واخدهم عشان يريحوا وبعد كده هنيجي نتغدى عند سلمى

أزاد بقلق : جبت التحاليل يا سفيان

سفيان : اه بس الدكتور مقاليش فيها ايه قالي اديها لدكتور حسين

اخذ حسين منه التحاليل ودخل الجميع لبيت الشيخ امير وانصدم حسين من نتيجة التحاليل ولكن لم يخبر احد ولكن نظر لا أزاد نظرة لم يراها سوى قاسم الذي تحدث

قاسم : يلا اطلعوا غيروا هدومكو دي وخدوا شاور بدل ما انتوا قاعدين كدا وانت يا زين متخافش أزاد مرتب كل حاجة صح وانت سمعت خطته

حسين : خدهم يا سفيان وريهم أوضهم انت عارف هي فين

سفيان : ماشي يا حسين وانت يا قاسم مش هتيجي معانا

قاسم : شوية كدا هشرب القهوة بتاعتي واطلع انا وأزاد

صعد سفيان ومعه اسر وحسام وزين الذي على ملامحه الحزن قبل أن يصعد ربت أزاد على كتفه فابتسم له زين ابتسامة بسيطة ثم صعد مع الباقي

حسين : أزاد انا عايزاك في حاجة ضروري لو سمحت

أزاد : اتكلم يا حسين قاسم عارف شكوكي كلها واي حاجة انا عارفها او بعرفها هو عارفها قبلي

حسين : مش عارف اقولك ايه بس فريدة التحاليل بتاعتها وحشة خالص ونسبة المهدئات اللي في دمها عالية اوي وفريدة بتاخد مخدر الترامادول هو يعتبر من المنشطات الشديدة بيتاخد بوصف من الدكتور وبيبقى مدة محددة بس هي بقالها كتير بتاخده وفي فجسمها نسبة كبيرة وده اللي مخليها رغم انها مبتاكلش وعندها نقص سوائل عندها قوة لانه هو بيدي القوة ويمنع الشعور بالارهاق بس لما بتزود الكمية بيحصلها صرع تشنجات و بتاخد مهدئ مستورد جامد جدا مبيتاخدش الا في الحالات اللي بتبقى مقبلة عالانتحار على فكرة هي مش لازم توفقهم لازم تقلل الكمية تدريجي لان لو وقفته مرة واحدة هيجليها انهيار عصبي جامد  مش هنعرف نسيطر عليه وممكن يوصل للانتحار
لازم لما المهمة دي تخلص تروح لدكتور نفسي متخصص عشان حالتها صعبة وتروح مصحة لان الكمية اللي في جسمها كبيرة وهما هناك هيعرفوا يتعاملوا معاها ولحد اما تروح محدش يعصبها عشان ده بيحفزها انها تاخد وانا هخلي سلمى تتصرف معاها طول ما انتوا في المهمة هي مرت بفترة زي دي بس لحقناها من الاول مكملتش شهرين بس الكمية الي في جسم انسة فريدة كانت بتاخدها اكتر من شهرين بكتير