لا تنطفئ انا معكي ( مكتملة الجزء الاول )

الجزء الثاني __ الفصل الخامس و العشرون

الفصل الخامس و العشرون 

وصلت السيارات الي شرم الشيخ مدينة من اجمل مدن العالم الكثير من الجنسيات تاتي اليها لك

بعد خمس ساعات وصل الجميع الي شرم الشيخ ولكن مقسمين على ثلاثة مجموعات دخل أزاد وفريدة وقاسم وأعطوا بطاقتهم الغير رسمية لموظفة الإستقبال فى الفندق وأعطتهم المفاتيح الخاصة بغرفهم ابتسم لها قاسم فهزت رأسها وابتسمت له صعدوا إلى غرفهم ولكن كل هذا ولم ينطق اي شخص باى كلمة طوال الطريق كسر قاسم الصمت وتحدث قائلٍا 

" تعالي معايا هوريكي حاجة فى الأوضة بتاعتى انا و ازاد "

 نظرت له فريدة و اتبعته دخلت فريدة الغرفة كمية شاشات كثيرة تظهر جميع مخارج ومداخل الفندق أجهزة لاب توب ويجلس ورائها شخص التف عندما سمع صوت أزاد قائلا 

" ايه ياض العضلات دي ده انا مشوفتكش بقالى سنة بس مش قرن يعنى عشان تبقى بالعضلات دى كلها " 

ضحك عُمير والتف قائلا " يا باشا من بعض ماعندكم ما تبص ليك انت وقاسم  " 

عندما رأته فريدة نظرت له بدموع  و ركضت اليه و عانقته وهو أيضا عانقها وتحدثت قائلة  " وحشتنى يا عُمير " 

نظر لها عُمير بحزن شديد وكانه يرى شخص أخر نظر إلى قاسم نظرة تساؤل يتمنى أن لا تكون هذه فريدة ونظر قاسم له نظرة حسرة فكانت إجابة لعُمير فنظر لها عُمير بحزن كبير في عيونه و تحدث قائلٍا 

" ليه كده يا فراولة ليه عاملة فى نفسك كده ليه بس انتي فاكرة ان ده هيرجع حاجة ان ده هيرجع إياد ولا هيرجع الزمن ارجعى لحياتك يا فريدة ارجعى اكتر حد كان بيضحك ويهزر ويعمل شوبينج مش هقولك إنك بقيتي باهتة لا انتى بقيتي حد تانى اسمه فريدة  " 

نظرت له فريدة بغضب و ابعدت يده بشدة و احتلت نظرة الاستغراب جميع من في الغرفة و نظرت له فريدة و تحدثت قائلة 

" انت عايزني انسى روحي يا عُمير انسى حد كان بيحبني طب هنسى انه كان هيبقى جوزي و هنسى انه كان زي اخويا زيكم انسى و احنا صغيرين لما كنت ضعيفة في الكلام كانوا بيتريقوا عليا و هو يقولي متزعليش يا فيرى و انتي أحلى حد بيتكلم اصلا سيبك منهم و انسى انه ابويا كان بيكرهني و اياد اللي كان كل حاجة المفروض بيعملها ابويا كان بيعملها إياد و انسى انه كان بيفتكر كل حاجة ليا اكتر مني عيد ميلادي و يعمله و يعزم اصحابنا و يجيب في كل اللي بحبه و فاكر اول يوم كشافة و طلع معايا مخصوص عشان مبقاش لوحدي و محدش يتريق عليا و كان بيذاكرلي و يوم ما اياد ميبقاش معايا عايزاني انسى إياد  كان روح و نفس و حب و اب و اخ و دعم و حنية الدنيا كلها انا هنسى في حالة واحدة إن اكون جمبه و ربنا يجمعني بيه على خير  "