لا تنطفئ انا معكي ( مكتملة الجزء الاول )

الجزء الاول _الفصل العاشر

رفعت فريدة رأسها من على النافذة وهي تبكي بشدة ولا تستطيع ان تاخذ نفسها فلاحظ الجميع الجميع ذلك واوقف أزاد السيارة ونزل منها فتح باب السيارة لفريدة وقال لها
أزاد : انزلي يا فريدة انزلي خدي نفسك بدل ما تموتي

استمعت له فريدة دون أن تكابر لانها لا تستطيع ان تاخذ نفسها ونزلت وابتدت تسير وتاخذ انفاسها التي كادت ان تنفذ منها ثم نظر أزاد لقاسم وقال له

أزاد : قاسم خليكوا هنا ومحدش ينزل من العربية مهما حصل انا هبدأ في علاج فريدة من هنا في الصحراء هخليها تطلع اللي جواها وخايفة تطلعه قدام الناس

وافق قاسم فهو يعلم حب أزاد ليها وخوفه عليها وانه لن يأذيها ولكن خائف من رد فعل فريدة ذهب أزاد لفريدة وجدها تأخذ نفسها وتبكي

أزاد بهدوء : عيطي يافريدة صرخي المكان هنا مفيهوش حد غيرنا عيطي وطلعي كل اللي جواكي مبينة نفسك انك جامدة وصلبة من بره بس انتي هشة خالص طلعي يا فريدة الوجع اللي جواكي عشان ترتاحي وانا ارتاح لاني موجوع وانا مش قادر اعملك حاجة يلا يا فريدة خدي نفس وصرخي زي ما انتي عايزة محدش هيقولك اسكتي و انتي بتعذبي نفسك انتي كدا هتتنفسي بحرية والألم والضغط والكتمان اللي جواكي هيطلعوا يالله يا فريدة ده اللي أي إنسان بيحتاجه عشان يخرج الكبت اللي جواه مكان فاضي محدش يلومه ولا يتهمه إنه اتجنن

استمعت له فريدة فكلامه أراحها قليلا فقررت ان تطلق العنان لقلبها ان يصرخ بشدة فصرخت صرخة اه شديدة وصلت للسيارة رغم البعد عنهم من شدتها واستغرب كل من في السيارة لانهم لا يروها ولكن قاسم يعلم ان هذا هو ما بداخل فريدة فكاد أن ينزل الجميع ألامنعهم قاسم وتحدث بنبرة محذرة

قاسم بنبرة محذرة : اوعوا حد ينزل من العربية سيبوها تطلع اللي جواها وترتاح من غير ما تكون خايفة ان حد يسمعها ويقول عليها ضعيفة او تبان ضعيفة قدام حد وهي خايفة ان اللي حواليها يفتكروها مجنونة لان الناس متعرفش ان في اشخاص جواها كبت عايزة تطلعه في حتة ميكونش فيها حد عشان ترتاح من غير ما حد يلومها على صوتها وصريخها بكلمة اه اللي مدفونة

اخذت تصرخ فريدة بصوت اقوى من الذي قبله حتى جلس بجانبها ازاد على الرملة واخذها في حضنه ظلت تبكي وتصرخ حتى استكانت بين احضانه

وقالت وهي تبكي : خدوه مني يا أزاد ليه انا كنت بحبه كان صاحبي واخويا وحبيبي ليه سابني يا أزاد انت عارفه اكتر مني قولي

وقف أزاد وفكر فيما فعل اهو مجنون يحب من كانت ستصبح زوجة صديق عمره وصديقته وتعتبره مثل اخيه اخذ يفكر كم هو خائن خان الاثنين فريدة الذي تعتبره اخيها وصديقها واياد الذي كان يحب فريدة وكانت ستصبح زوجته

قال ازاد بجمود : يلا بينا نرجع العربيةيا فريدة انتي كدا طلعتي شوية من اللي جواكي وتقدري تاخدي نفسك براحة عن الاول الخنقة اللي جاتلك كانت زي اول مرة اما عرفتي ان إياد مات جتلك عشان كاتمة جواكي قنبلة كانت مستنية شرارة شرارة حتى لو على بعد ١٠٠٠ ميل وكلام قاسم وزين كان الشرارة اللي فجرت كل اللي جواكي