لا تنطفئ انا معكي ( مكتملة الجزء الاول )

الجزء الاول __ الفصل الرابع و العشرون

في الخارج يجلس أسر على مقعد أمام المنزل أتت فريدة و هي حاملة الأطباق و جلست بجانبه ووضعت الطعام و لكن ظل أسر ينظر إلي السماء حتى ضحكت و إندهش أسر منها و نظر إليه حتى نظرت إليه

تحدثت فريدة قائلة : غيرت عليها من أخوها يا أسر

إنصدم أسر مما قالته فريدة و تحدث بغضب قائلاً : لا يا فريدة مش أخوها إبن عمها أخلص من واحد ألاقي التاني و هي مندمجة و مقموصة من أستاذ حسين عشان قال ايه الأكل مش مسئول عنه لا وبيدلعها قدامنا كمان يا بجاحته

ضحكت فريدة على غضب أسر و تحدثت قائلة : أنت عارف أول مرة أضحك النهاردة من ساعة موت إياد و كله بسبب فيروز على فكرة حسين أخو فيروز في الرضاعة يا أسر و هو بيعتبرها أخته

إنصدم أسر مما قالته فريدة و أبتسم و مسك يديها و تحدث قائلاً : بجد يا فريدة إحلفي بالله و عرفتي منين قولي و النبي

تحدثت فريدة قائلة : أوعى يا أهبل بعيد عني أنا مش محتاجة حد يقولي حاجة أنا عندي مصادري تفتكر هعتمد عليكم تقولوا حاجة و أنا عارفة إنكم بتقولوا نص الكلام بس مش كل حاجة بتتقال قدامي يا أسر

نظر إليه أسر بحزن و خوفاً من أن ترى الفيديو الخاص بقتل إياد

ثم تابعت بحزن قائلة : شكلكم نسيتم مين فريدة اللي في أول سنة ليها في المديرية نفذت عمليات أول مرة حد ينفذها بدون ضحايا من أول سنة ليا و أنا أثَبِت نفسي من غير مساعدة حد و رفضت إن حد يعرف إن أنا أبقى قريبة حد أو يعرف إن تبع خالو ، أنا على طول كنت فريدة اللي كل حد عنده حاجة مضايق منها ييجي يحكيلي فاكرين لما تخبوا عليا حاجات مش هعرف لما خبيتوا عليا سلمى عشان مسألهاش عن إياد و مدورتش وراكوا و صدقتكوا و برضوا لما خبيتوا عليا موضوع إن إياد الله يرحمه مات و كان معاه ناس كتير صدقت و في الأخر طلع مات لوحده هو و أبو سلمى عارف ليه صدقتكوا يا أسر عشان عمري ما أعتبرت زين بس اللي أخويا أعتبرتكم كلكم قاسم و أزاد و حسام كلهم أخواتي بس أنت يا أسر أنت و زين و عُمير كنتم أخواتي الصغيرين اللي مبحبش حد يزعلكم حتى يوم ما اتخرجتوا قولت لخالي يحطكم في حتت بعيد عن اي خطر عشان مفيش حاجة تأذيكوا دلوقتي بقيتوا كلكم بتخبوا عليا يا أسر بعد ما كان بنخبي على قاسم و أزاد و حسام بلاوينا بقيتوا معاهم و بتخبوا عليا كمان .

نظر اليها اسر بحزن شديد ثم نظرت اليه مرة اخرى مكملة حديثها

" كُل يا أسر كُل أكل المجنونة اللي أنت بتحبها و بعد المهمة دي ما تخلص اتقدملها و اتجوز أنت و هي أهو تلاقي حد يستحمل جنانك و هي تلاقي حد يستحمل جنانها اللي لا يطاق "

نظر إليها أسر بحزن على كلامها فريدة كانت أقرب إليه من أي شخص صديقته و أخته فكر أسر أنه يجب أن تعرف فريدة الحقيقة و الخطة الأخرى لهم كاد أسر أن يقول لها و لكن جاء قاسم و علامات الغضب على وجهه و فهم أسر ماذا سيحدث و عرف أن قاسم فهم أنه كان سيقول لفريدة