لا تنطفئ انا معكي ( مكتملة الجزء الاول )

الجزء الاول _الفصل السادس

اتمنى تصوتوا للفصل يا جماعة وتقولوا رأيكم

ضحك أزاد بقهقهة عالية ثم انكمشت ملامحه وتحولت لغضب وقال :انا مش عيل يا أزاد لا انت عيل لان فريدة طول السنة كانت بتشرب سجاير وانت مش دريان انت فاكر فريدة عشان لو بتاخد حاجة هتقولك انا باخد يا زين فريدة ذكية اذكى واحدة فينا وكلنا عارفين كده وانت بالاخص اما نوصل رفح تسمع اللي هقولك عليه وتنفذه من غير كلام ماشي ويلا بينا عشان نلحق نوصل وعينك على فريدة معانا اختك عايزة تقتلهم وتروح لاياد يعني تنتحر ياللي مش عيل زي ما بتقول

احتلت الصدمة وجه زين ثم وقف ونظر ل أزاد :انت بتقول ايه يا أزاد فريدة مستحيل تعمل كدا انت اتجننت ولا ايه

نظر له أزاد نظرة غضب شديدة من عيونه الجحيمية ثم تحدث بصوت عالي

أزاد : انا متجننتش يا زين اسئل امك هي اللي قالت لبابا انها قرأت مذاكرتها ومتقوليش إن ممكن يكون كلام لان فريدة حاولت مرة تعملها وانا لحقتها انا وقاسم لما كنا معزومين في شقته من تلات شهور اللي في ناطحة سحاب حاولت تنط من فوق

Flashback

في شقة من الاثاث الراقي الأبيض الذي يسكن بها قاسم وزوجته رقية وابنتهم ليليان صاحبة الخمس سنوات والتي تعشق فريدة ذهب قاسم الي المطبخ ولف يديه حول خصر رقية ثم قبل وجنتيها وقال

قاسم : خلصتي يا حبيبتي الاكل و لا لسة هما زمانهم جايين وانتي عارفة الواد زين واسر طفسين وبيحبوا اكلك اوي والصراحة ليهم حق اكلك زيك يجنن يا روحي
ابتسمت له روفيدة ولفت له ثم قالت : خلصت يا روحي خليهم ياكلوا بالهنا والشفاء يا حبيبي فروتي جاية صح لي لي نفسها تشوفها اوي انت عارف من ساعة موت اياد وهي مشفتهاش الا مرتين أزاد هو اللي بيجي على طول و لي لي بتحبهم هما واياد الله يرحمه اوي ثم ارتمت في احضانه وبكت

رقية بدموع : اياد واحشني اوي يا قاسم أخويا فراقه هيموتني اوي انت عارف ان احنا توأم كنا بنحس ببعض اكتر من اهالينا فات سنة هواء كأنه مات امبارح

اخذها قاسم في حضنه ثم اخذ يربط عليها فهي معشوقته من الصغر واياد كان ايضا صديقه كانت دموعه تنساب أيضا مسح دموعه حتى لا تراه فتضعف ثم رفع راسها من على صدره ونظر لها ثم قال لها

قاسم بحزن : معلش يا حبيبتي هو عند اللي احسن مني ومنك هو زمانه في الجنة ونعيمها مات شهيد يا رقية ربنا يجمعني بيه على خير

انتفضت رقية من يديه ثم عانقته وقالت :بعد الشر عليك متقولش كدا اوعى تقول كدا انا مقدرش اعيش من غيرك انا ولي لي انت صاحبي وحبيبي واخويا وعشقي اوعي تسيبني انا من غيرك اموت انا بحبك اوي يا قاسم

اخذ يربط عليهاوقال لها : انا مقدرش امنع اجل ربنا بس هاخلي بالي وانا رايح اي مهمة يا حبيبتي عشان خاطرك انتي ولي لي وفروتي انتوا التلاتة بخاف عليكوا اوي انتوا حياتي كلها

خرجت من حضنه ثم نظرت له بحب وقالت :ربنا يخليك لينا ياحبيبي و

قبل ان تكمل حديثها رن الجرس وخرجا ليفتحوا الباب ثم جرت تلك الصغيرة تجاه الباب فتح الباب وكان يوجد عليه أزاد وفريدة وعمير وحسام واسر وزين دخلوا جميعا وجلسوا ولكن الصغيرة لم تمهل فريدة لتجلس

ثم جرت تلك الصغيرة تجاه فريدة واحتضنت رجل فريدة وانحنت اليها فريدة

ليليان او لي لي بحب:فريدة وحشتيني اوي انا زعلانة منك اوي انتي مش بتيجي انت واياد ليه انتي بشوفك لما باجي عند جدو امين اما اياد مش بشوفه خلاص حتى مبقاش يكلمني فيديو كول خلاص قوليله انا زعلانة منه انا عارفة انه بيجيلك عشان يشوفك عشان ميقدرش يستغنى عنك بس انا مخاصمه عشان مش بيسئل عليا نسي لي لي وافتكر فروتي

ادمعت عين فريدة بشدة في تلك اللحظة ثم فاقت على صوت قاسم العالي يقول : لي لي روحي على اوضتك العبي بالعابك شوية

تحدثت لي لي بنبرة حزينة : ليه بتزعق يا بابا هو انا زعلت فروتي في حاجة هصالحها انا زعلتك يا فروتي انا أسفة

نظرت فريدة لقاسم نظرات عتاب ثم نظرت لها ببسمة لا تظهر الا لها فقط

وقالت فريدة : لا يا روحي انتي بالذات مقدرش ازعل منك انتي روحي يالي لي بس ممكن تروحي تلعبي بالعابك وانا هجيلك بعد ما اخلص كلام مع بابا ونلعب سوا

تحولت نظرة الحزن التي كانت في عين لي لي الي فرح واحتضنت فريدة وقالت

لي لي: ممكن يا فروتي انا بحبك اوي يا فروتي يا احلى صاحبة في الدنيا

ثم نظرت لها فريدة بحب وقالت : وانا بحبك يا احلى حاجة في حياتي كلها

ثم جرت الفتاة تجاه الباب ولكنها وقفت امامه ثم قالت : فروتي انتي كدابة عشان قولتي اني انا اغلى حاجة في حياتك بس الحقيقة اياد هو اغلى حاجة

استغرب الجميع من كلام تلك الصغيرة التي جرت لغرفتها بعد ان اغضبت قاسم و رقية كادت رقية ان تذهب لغرفة ابنتها غاضبة ولكن اوقفها صوت تلك الباكية

فريدة بدموع : سبيها يا رقية هي طفلة ملهاش ذنب هي قالت اللي في قلبها وانت يا قاسم مينفعش تزعقلها كدا هي عملت ايه يعني بتقول ان وحشها اياد ودي حقيقة هي متعرفش انه مش هيرجع تاني وهي بتتكلم من قلبها وقالت الحقيقة مينفعش نلومها

حزن الجميع عليها وانحنى قاسم اليها ثم رفعها اليه واحتضنها ثم ربت عليها ومسح دموعها

وقال: هشش خلاص يا فروتي انا اسف مش هزعقلها تاني متعيطيش عشان دموعك دي غالية اوي و اياد في حتى احسن يا حبيتي ربنا يرحمه روحي يلا مع روكا جهزي الاكل عشان اسر وزين ميجيش ياكلوني انا انتي عارفهم طفسين

ثم نظرت له ببسمة : حاضر يا قاسم

ذهبت فريدة مع رقية الي المطبخ و تركوا الشباب و كل منهم لم يشغل باله سوى فريدة التي يعتبروها اختهم وصديقتهم وهناك ايضا من يحبها و لم يكتشف هذا سوى من ثلاث شهور تأكد من حقيقة مشاعره عندما واجهه قاسم ورقية بذلك وقال انه يجب ان يعالجها من موت اياد حتى تتعافى وتبدا في حياتها مرة جديدة هو أزاد الذي اقتنع بكلامه وقال انه يجب ان يعالج حبيبته خصوصا ان معه ماجستير في علم النفس ويتقنه جيدا ويعشقه ويقرأ كتبه ويفهم الشخصيات واعد الدكتوراة