Searching ‖ YoonMin X BTS [10]

Chapter 17

 "සුභ උදෑසනක් -

ඔබ මේ සම්බන්ධ වෙන්නේ BT21 උදෑසන ප්‍රවෘත්ති විකාශයත් සමඟයි,

මුළු ලෝකයක්ම බලාපොරොත්තු දල්වගෙන බලාගෙන සිටි පාර්ක් ජිමින් තරුණයාගේ අතුරුදහන්වීමේ සිද්ධියේ, අපේක්ෂා නොකල ආකාරයේ අවාසනාවන්ත තොරතුරක් අද උදෑසනම අපට වාර්ථා වුණේ හරිම කණගාටුදායක විදිහටයි.

පහුගිය දිනවල සෝල් නගරයට ඇදහැළුණු ධාරාණීපාත වර්ෂාව හමුවේ වුවද ප්‍රධාන පොලිස් පරීක්ෂක ජියොන් සොක්ජින් ප්‍රමුඛ කොරියානු ආරක්ෂක අංශක කණ්ඩායම් දහයක්ම ඔහුව සොයා දැවැන්ත මෙහෙයුම් ක්‍රියාත්මක කර තිබූ පසුබිමක, මේ වාර්ථා වී ඇති තොරතුර මුළු මහත් කොරියාවම කම්පාවට ලක්කිරීමට සමත්වී ඇති බව නම් නොඅනුමානයි.

මීට දින පහකට පෙර සිට අතුරුදහන්ව සිටි පාර්ක් ජිමින් මේ වනවිටත් මියගොස් ඇති බවට, සෝල් ප්‍රධාන පොලිස් මූලාස්ථානය විසින් අද උදෑසනදි තහවුරු කරන ලද්දේ, කිසිම පුද්ගලයෙකුත් මේ සිදුවීම බලාපොරොත්තු නොවුණ පසුබිමකයි..

අද උදෑසන ආරක්ෂක මූලාස්ථානයේ පැවැති ප්‍රවෘත්ති සාකච්ඡාවෙදි මේ අවාසනාවන්ත සිදුවීම පිළිබඳව විමර්ශනය භාරව සිටි ජියෝන් සොක්ජින් මහතා මෙම පුවත මාධ්‍ය හමුවේ තහවුරු කල අතර තවදුරටත් ඒ මහතා පවසා සිටියේ, බැන්ග් හී-ශියුක් නම් ලිංගික අපචාර සහ නීතිවිරෝධී මත්ද්‍රව්‍ය භාවිතය හේතුවෙන් සිරගතකොට සිට මීට වසර හයකට පෙරදි ඉල්සන් බන්ධනාගාරයෙන් නිදහස් කල හැට හැවිරිදි පුද්ගලයෙකු විසින් පාර්ක් ජිමින් තරුණයාට සිදුකල දරුණු අපචාරයන් වගේම අවසානයේ ඔහුව ඝාතනය කර දැමීමේ සිද්ධීන් සම්බන්ධව පාපොච්ඡාරණයක් සිදුකරන වීඩියෝපටයක් ඔහුගේ ෆේස්බුක් ගිණුමේ පල කර ඇති බවයි.