Searching ‖ YoonMin X BTS [10]

Chapter 07

සොක්ජින් කියපු විදිහට ජිමින්ව හොයාගන්න තමන්ගෙන් දෙන්න පුළුවන් සපෝර්ට් එකක් ගැන හිත හිත ඉන්නකොට තමයි, ජිමින් එයාලගේ කුස්සියේ දාලා ගිහින් තිබුණු එයාගේ ලැප්ටොප් එක යුන්ගිගේ ඇහ ගැටුණේ. ඉතින් දෙපාරක් නොහිතාම යුන්ගි ඒ ලැප්ටොප් එක ඔිපන් කරන්න හිතුවේ, ජිමින්ගේ අතුරුදහන්වීමට සම්බන්ධ පුංචිම හෝ හෝඩුවාවක් ඒ ලැප්ටොප් එක හරහා එයාට හොයාගන්න පුළුවන් වේවි කියන බලාපොරොත්තුවත් එක්කයි.

ඉතින් ජිමින්ගේ ලැප්ටොප් එක ස්ටාට් කරපු ගමන්ම යුන්ගිට දකින්න ලැබුණේ තමන්ගේ රුව නැති, පාර්ක් පවුලේ ෆොටෝ එකක් දාපු ඩෙස්ක්ටොප් එකක් තමයි.

ඉතින් ඒ ෆොටෝ එක දකිද්දි යුන්ගිට දැනුණ හිත්වේදනාව වචනෙන් විස්තර කරන්න බැරිතරම් දරුණුයි කියලත් නොකියාම බැහැ. ඒත් යුන්ගිට දැන් ඉතින් ඉතුරුවෙලා තිබුණේ ඒ ගැන හිතලා දුක්වෙන්න විතරයි. මොකද ජිමින් දැනටමත් එයාගෙන් හුඟක් දුරස්වෙලා කියලා මේ සිද්ධවෙන්න ගත්තු දේවල් එක්ක යුන්ගිට තව තවත් තේරුම් කෙරෙව්වා.

ඒ විදිහට ඔන් කරපු ජිමින්ගේ ලැප් එකට තමන් ජිමින්ට යවපු වට්සැප් මැසේජස්, මිස් කෝල්ස් එතකොට ටේහ්යොන් කිව්වාත් වගේ බ්‍රහස්පතින්දා දවසේ එයාගෙන් ජිමින්ට ඇවිත් තිබුණ මිස් කෝල්ස් වගේම මැසේජස්වලිනුත් ජිමින්ගේ ලැප් එකේ නොටිෆිකේශන් බාර් එක පිරෙන්න ගත්තේ, ජිමින් එයාගේ ෆෝන් එක ලැප් එකට කනෙක්ට් කරලා තිබුණ නිසයි.

ඉතින් එක දිගට නොටිෆිකේශන් බාර් එකේ පිරෙන ඒ මැසේජර්ස් හැමදෙයක්ම මඟ ඇරපු යුන්ගි, මුලින්ම හොයන්න තීරණය කලේ ටේහ්යොන් ඇරෙන්න ජිමින් එක්ක ඉන්න අනිත් යාළුවොන්ව කන්ටෑක් කරගන්න පුළුවන් විදිහක් ගැනයි. ඒ නිසයි, යුන්ගි මුලින්ම ජිමින්ගේ ෆේස්බුක් අකවුන්ට් එකට ලොග් වෙන්න තීරණ කලේ.