فوارق طبقيه

3

عمتي/ سجود اكيد انتي تخبلتي .

_ وليش تخبلت بنتي لو مو بنتي حتنكروها.

_ ومن يمتى عرفتي بنتج صارله ست سبع سنين

شعرفتي عنها اكلت شربت نجحت سقطت ها زين

اسالج بنتج بلغت لا.....مو المفروض كونج ام كل هاي تعرفيها هسه جايه اطالبين بيها.

تكولين اني ام.....روحي روحي رجعي لحظن رجلج.

_ سجود / كلامج كله ميهمني سمعتي لو لا.

سجود/
تعالي تعالي ماما هباوي سوده عليه البنيه مصدعه
حتى ماجتي عليه.

عمتي/
مجتي عليج لان متعرفج ومحستج امها.

هبه/ اجتي تمشي عليه.
راسا ختلت بحظن بيبي اظم راسي منها واعيط
روحي روحي ماريدج روحي.

سجود/
تعالي ماما لتهتمين لكلامهم اني حاخذج واعيشج اميره واخلي الكل تحسدج.

هبه / بعياط روحي كتلج اني هايه امي وبيبيتي وكل دنيتي وابويه اليوم مات.
انتي وغيرج ماعرفكم توسلت بيج تاخذيني ومقبلتي ماريدج هسه ماريدج احجي بعياط ومنهاره محاسه على روحي.

طفله وهذا الفهمته مو تعلوم يشهد ربي بس محسيت بيه صدك تحبني.
بيبيتي طول فترة كلامها وهي عيونه حزينه عليه عباله اعوفه وروح.
شلون اعوفه وهيه دنيتي كله.

_ طلعت
سجود/ وحسها يلعلع الله لا يوفقكم حرمتوني من بنتي آلله واكبر عليكم عساكم بنار وشرار ميتكم وطيبكم.

_ وعادي خلص العزا ومشه اول اسبوع وثاني اسبوع

ايام ثقيله وممله.
بيبيتي تنام من ساعه بثمانيه وابقى وحدي افتر وافتر
بالبيت....
احس حياطينه طبكت على صدري.
مكان جدو كبير كلش كلش كبير ماعرف رغم رجال كبير واخر ايامه مريض ونايم بس نفسه ويانه يكفي الله يرحمه ويرحمنه من بعده.

ماعرف اوصف نفسي طفله اكول لا كبرت.
اشوف بالتلفزيون شغلات اكول لابعدني صغيره.

تهت وتعبت واريد ام.....اب......اخت.....اخ.......
اي واحد ينصحني يعلمني مرحله وعمر صعب صعب كلش.

كاعده على الدجه بالحديقه وندكت الباب بالسبعه

دك....دك.....دك....