واكفه كدام المرايه اعدل بكصيبتي الهنديه وافتر و
اتمايل بصدريتي الجديده....فرحتي مانطيه لاحد
ملابسي كلش حلوه والقميص الله ملمسه ناعم مثل
الحرير.
_ تذكرت البارحه امي من كالتلي.
_ دك.....دك....دك....
منو
اني هباوي يمه
اي جايه جايه
هلو يمه
هلو حبيبتي
تعالي دخلي
لا والله مستعجله ....سمعي باجر الصبح نمر اني وعمج
ابو محمد نوصلج ويه البنات وادليج المدرسه.
ها صدك (من الابتسامه ماكدر اضم اسناني )
اي يمه اي شلون غير ادليج لعد وبعد بكيفج تردين
خط مشي بلي تحبي.
سمعت الهورن.
_ الحجيه/ ولج هبه وينج يمه
_ جايه جايه بيبي.
_ الله مصلي على محمد وآل محمد يمه عيني بارده عليج شطالعه يمفلوكه.
_ حلوه صدك بيبي.
_شنو حلوه فلعت كمر.
طوط.....طوط....
_ ههه يا نسيت يله بيبي ادعيلي .
وفتحت باب الشارع وطلعت.
جانت امي دتنزل..
_ صدك جذب وينج اخرتينه.
_ ها جيت جيت صباح الخير.
وصعدت ونطلقنا.
علامات التعجب على وجه مينا وهيثم وليث واكفين بالباب يم السياره الظاهر ديوصلوها.
طبعا يتعجبون من شكلي ولبسي.
وصلنه للمدرسه هيه فرق فرعين عن بيتنه بس بالنسبه لبيت امي بعيده شويه.
سجود/ هاج هباوي مصرفج مال اسبوع.
_ لاماما لا عندي باقي والله.
_ لتكولين لا اريدج تعيشين حياتج كافي فكر.
وثانيا ترى هنا كلهم مستويات لتحجين بالفكريات ابد
_ وهيجي كامت تمشي الآيام والاشهر.
بصراحه ليش واحد ينكر مشتني على فلوس.
شنو لبس شنو مصرف.
_ بيبي حبيبتي حروح على فروحه شويه.
_ يمه بدلي بنطرونج الدنيه تخوف حبيبه.
_ بيبي هو هنا فرق كم بيت حبيبتي انتي
يله يله ضحكي ياقمر انت ياعسل.
_ انكص راسج مين متعلمه هل سوالف هايه.
_ تمشيت لبيت عمتي والدنيه ربيع عطله نص السنه ولابسه بنطرون كابوي والقميص على الخصر ابو السحاب.
شعري مسويته ظفيره راخيه.... والبرجم اول معطلت امي اخذتني للصالون كصيته وهيه صبغت.
_ هله هله بالصاروخ
أنت تقرأ
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
