اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.
.
.
هبه/
بعد متحظرت واشتريت ملابس جديدة وجنطه سفر
اول مره اطلع خارج العراق.
اول مره أسافر من مالي الخاص.
اول مره اشوف الدنيا وين.
كلشي جديد عليه كاعده بالمطار اني جايته قبل ويه رائد من سافرنه للشمال
بس حاليا متوجهه لخارج العراق كاعده وصافنه على العالم شكد متونسين والفرحه واظحه عليهم.
الكل تروح وتجي وتكمل اجراءات وتسليم جنط وووو
وحاليا احنه بالقاعه النهائيه نتحظر لدخول الطياره
المشكله شكد مديصير تغيير بحياتي احس روحي
باهته مابيها رونق ماكو هدف اسعيله وأرجع استغفر ربي واشكره على كلشي.
نداء....نداء
على ركاب الطائرة
الرحله 553
التوجه نحو الطائره وشكرا
سمعنا النداء والكل فرح وكمنه الملم الاغراض والجنط توجهنه للممر.
جعفر/
الميكعدني يم الشباك افش التايرات ها كلت أني.
جاسم/
وانتي عيوني سمر لدكعدين يمي وكلسع هوع وهوع
وتجيني المظيفه دكول المدام حامل
واني احرن اظل اكول لا يالكعبه وين مدامي.
- الكل هههههههههه
والاصوات العاليه والشقى بحكم الميانه خلت حتى العالم تنتبه علينه ويضحكون على ضحكنه.
هبه/
يمعودين فضحتونه هههه
على كيفكم يبو خزيتونه.
جعفر/
دهاك استلم شمسوين شوادي وستحيتي منه لو مشكشكين هدومنه
جنج سوالف حبوبتي.
- بشرفكم اذا تردون تكعدوني خلوا هبه يمي حتى اذا يطب ارهابي دكله ارجوك عيب لتحرجنه وتقتلنه.
- خله الكل يضحك واني من ظمنهم جعفر بصراحه ملح الشركه
ولد خلوق صاحب شهامه وروح مرحه.
المهم صعدنه وكعدنه كل واحد بمكانه وما انكر عليكم فعلا الاقلاع والهبوط يسبب رهبه وأختلال بالتوازن.
حاليا أحنه بتركيا بأسطنبول بمطارها.
- اكلكم شسمه هذا المطار.
- اتاتورك.
هبه/
ها حلو عبالي اسمه مطار اسطنبول على اسمها.
أنت تقرأ
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
