فتاة بسيطه يستقوي عليها رجل غني احبها بطريقة الخاصه لترى كل انواع الذل والظلم
وأم تقوم ببيعها من أجل مصالح زوجها لتقع في وكر الذئاب.
وزوج ظلمها بقدر حبه لها ليترك لها بصمة تعاني منها
ماتبقى من العمر
جمال/ وفقر/ وعذاب/ وغدر/ ورايات سوداء
جميعها أجت...
_ ولج شصار شصار صارلي ساعتين اركص واهز وفرحانه وتالي تالي اليوم قراية الفاتحه عساكم قريتوها على كبره
مينا/ فدوه لتدعين عليه يبقى اخويه ولو نذل وكسر قلبج. وآلله ثم والله امي صارله اسبوع نك نك نك على راسه وتكله بت خالتك خريجه وحلوه وعمره يناسبك. وبعدين ترى قروا الفاتحه هنا لان والده متوفي واخوته اصغر من هيثم. وبما انه العشيره كله هنا فختصروها.
هبه / واني واني واشر على روحي شنو ذنبي ها شنو اني خابرته لو اني كلتله شيل التكلفه بينه سنتين سنتين سطره الراسي.
هبه / دفعتها وخري وخري مينا مراح تحسين بيه ابد اله من تحظرين خطوبة جعفر
_ لا لا عفيه اني مالي ذنب والله.
_ واذا تكولين الله يسامحه لاوالله ماسامحه لاخر يوم بعمري وكل ما اذكره أدعي عليه وكول حسبي الله ونعم الوكيل حسبي الله ونعم الوكيل امشي وردده قلبي ينزف دم اي والله وروحي محروكه حرك. ماكو هيجي صلافه اليوم الصبح يحجي ويايه والعصر يخطب الله واكبر الله واكبر على راسك.
رجعت كعدت يم بيبيتي
_ هايمه وين جنتي دورتج شفتج ماكو.
_ بيبي جنت يم مينا.....يم مينا.....يم مينا
_ شبيج يمه شكلتي على فد كلمه.
_ جنت اباوع على خطيبته وماعرف كم مره عدت الجمله على بيبي. عقلي احسه وكف وجسمي تشنج بس عيوني مفتوحه ومركزه على الكاعده كدامي وام هيثم تحظن وتبوس بيه. ظحكته ترن براسي وتظرب بي مثل الجاكوك دك......دك.......دك..... محد تحس ولاتعرف ولاتقدر وظعي هذا بس المجربه مرارته.
