فوارق طبقيه

التكمله

.
.
.
الإنسان شكد ميسافر ويروح ويجي ويزور ناس صح

نغير جو ونحسن من نفسيتنه لكن بالاخير ملحك

شوكت نرجع لبيتنه واستقرارنه هيه غريزه بداخلنه

لهذا كالو.
( رحت لبيت الله مثل بيتي لا والله )

بعد هل مثل لاتعليق اعتقد.

...................

اشكرك عمي رحمه الله والديك ماكو داعي چان اني

نزلتها.

سائق التكسي/
لابنيتي لا شلون أقبل.

هبه/
بعد احجي وتصنمت من شفت عمتي متوجهه لباب
الشارع ويه أمي.

وحديث عميق بينهم بحيث اول شي منتبهو عليه
اله تقدمو اكثر.

تصنمت بمكاني ودهشه صابتهم ماعرف ذعر حسيت
على وجه امي.

- تقدمت

هبه/
وجهت سلام بشبه استفسار
السلام عليكم شلونچ عمه خيرج شعب ذاكرتنه بعد هل سنين.

- ها هله هله بهبه شنو هاي مسافره وحدچ (بتعجب)

- اي مسافره وحدي ليش المفروض ادكلج تلفون.

- لا عيوني لا الي ليش ل.....

قاطعت الحوار.

سجود/
توكلي توكلي
أم فراس مو كلتي تأخرت وعود تلفون بينه نتفاهم
على المعامله.

ام فراس/
يله انتظر تلفون سجيده لتخليني اتعنى لهنا مره ثانيه مالي خلك اني.

- واكفه بينهم ادير بعيني شنو الشي الخله عمتي تجي علينه

فزيت على ضرب أو طبطبه على كتفي
وعمتي دكول
يله اودعناكم عيني وسفره سعيده

مشت وسمعناها ادردم اويلي على المكرودات بس للخدمه وامهات الخواره الحظ الهم..

حسيت رقبتي طكت من هلكد معاوجتها عليها لحد مطلعت باب الشارع وغابت عن نظرنه.

- أجاني صوتها

سجود/
الحمد لله على السلامه
وسفره سعيده
أاااا شعجب مبلغتيني بجيتج و.....

- قاطعتها

هبه/
يوم شعدها عمتي هنا وشجابها ها متحجين.

سجود/
آوي شبيج طابه هداده دسلمي كولي.

- طبعا استغرب شعدها اخر وحده تذكرني هيه.

-تحجي بعدم اهتمام وتوجهت ترجع لداخل البيت.

سجود/
شبيج بيت جدج مو بعنا
والمعامله من وقتها مدفعنه طالعه ظريبه على ابو البيت الجديد ومخابر عليهم يكول اني شلي دخل انتو مدافعين كلشي.

هبه/
وعلى هاي جايه ؟

سجود/
اي دوختني صارلها ساعه تحن وتون.
عاد عكب باجر اروح أصفي كلشي.